NİGAR ÇƏLƏBİZADƏYƏ …

Gecələr yatmağa qoymayan məni,

Səhər gözlərimdən axan yuxumsan.

Gün boyu ağlıma çökmüş çən-duman,

Bu xəstə qəlbimdə axan qanımsan.

*****

Bəlkə də taleyin bir zarafatı,

Mənimçün qurulan xain tuzaksan.

Təklikdə qəlbimə sancdın oxunu,

Sən mənim oxumdan sınan yayımsan.

*****

Sevgi döyüşünə atılmışıq biz,

Kim qalib gələrsə, o da şah olsun!

Səni bu döyüşdə məğlub etsəm də,

Yenə də sevgidə tək padşahımsan!

*****

Arada məsafə yaman uzaqdır,

Sən azad ölkədə, uzaq diyarda.

Ətrinsə yanımda, rahat buraxmır

Mənim tək sevdiyim, sevgi payımsan.

*****

Koroğlunun da öz Nigarı vardı,

Meydanda aslan tək qılınc vurardı.

Sən isə çox incə, zərif mələksən,

Sən mənim sevgilim, öz Nigarımsan!