ADİHİ rəhbəri AŞPA-nın Qış Sessiyası çərçivəsində Mustafa Cəmiloğlu ilə görüşüb
Yanvarın 25-də Fransanın Strasburq şəhərində Avropa Şurası Parlament Assambleyasının Qış Sessiyası öz işinə başlayıb. Sessiyanın ilk günündə AŞPA Prezidenti və Vise-Prezidentlər, habelə komitə üzvləri seçiliblər.
AŞPA Qış Sessiyasında yaxından iştirak edən Azərbaycan Demokratiya və İnsan Haqları İnstitutunun rəhbəri Əhməd Şahidov Krım tatarlarının lideri Mustafa Cəmiloğlu ilə görüşüb. Səmimi atmosferdə keçən qısa görüş zamanı tərəflər arasında fikir mübadiləsi aparılıb. Mustafa Cəmiloğlu Azərbaycan xalqına səmimi salamlarını çatdırıb.
