“Bizim kənddə daş üstə daş qoyulmayıb” – Qaxın İbaxlı kənd sakinləri ilə görüş

Deputatlığa namizəd Əhməd Şahidov Qax rayonu İbaxlı kənd sakinləri ilə görüşüb

Ötən gün 112 Saylı Qax Seçki Dairəsindən deputatlığa namizəd Əhməd Şahidov İbaxlı kəndində yerli sakinlərlə görüşüb. Kəndin mərkəzində baş tutan görüş zamanı qayğılarını dilə gətirən kənd sakinləri İbaxlının bərbad yollarından danışıb, kənddə iaşə obyektlərinin olmamasını, gənclərin işsizlik problemini və kəndlilərin sosial qayğılarını qabardıblar.

İbaxlı kəndi ilə heç kimin maraqlanmadığını deyən sakinlər son 15 ildə kənddə daş üstünə daş qoyulmadığını deyib, yerli bələdiyyə üzvləri, icra nümayəndəsi və deputatın ümumiyyətlə İbaxlı kəndi ilə maraqlanmadığını bildiriblər.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktorudur. Dünyanın bir çox ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com

Bu yazını Facebookda şərh et