“Qaxlı namizədlərin hər biri Qaxı Parlamentdə təmsil etməyə layiqdir” – Əhməd Şahidov Marsan kəndində olub

112 saylı Qax seçki dairəsindən deputatlığa namizəd, tanınmış hüquq müdafiəçisi Əhməd Şahidov Qax rayonu Marsan kəndində olub və yerli sakinlərlə görüş keçirib. Kənd sakinləri ilə ayaqüstü görüş zamanı Milli Məclisə növbədənkənar seçkilərdə iştirakın vacibliyini qeyd edən Əhməd Şahidov növbəti 5 ildə Qaxın deputatının qaxlı olmasını vacib sayıb və 8 nəfər qaxlı namizəddən hər birinin Qaxımızı Milli Məclisdə təmsil etməyə layiq olduğunu bildirib.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktoru, eyni zamanda Azərbaycanlı Əsir və Girovlarla bağlı Məlumat Mərkəzinin koordinatorudur. Dünyanın 65 ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com

Bu yazını Facebookda şərh et