QAR DƏNƏCİKLƏRİ

Ana Sayfa » Şeirlərim » QAR DƏNƏCİKLƏRİ

Sənə söz çatdırmaq olmur
yenə yağırsan!
Heç dönmürsən də inadından,
adam olmursan!
Qış qurtarıb, bahar da gəlib
amma sən qurtarmırsan!
Nə istəyirsən axı məndən?
Nə görmüsən pəncərəmizdə,
ay qar dənəcikləri?!

Bir zamanlar səni çox sevirdim,
yağırdın aram-aram
kədərimə, qəmimə.
Gizlədirdin hamıdan!
Örtürdün arxamca gələn
izləri, ləpirləri.
Bir inci tək bəzəyirdin
sevgisiz ürəkləri.
Unudurdum hər dərdimi,
unudurdum həsrəti.
Daha səni istəmirəm
çıx get pəncərəmizdən!
Yenə axı nə istəyirsən məndən
ay qar dənəcikləri?!

Sən yağdıqca aram-aram
uzaqlaşdım özümdən.
Ayrı qaldım sevgilimdən,
gül üzlü mələyimdən.
Yağdın, yağdın, o qədər ki,
hər yer ağ-appaq oldu.
Örtdün Günəşin qarşısın
soyuqdan qəlbim dondu.
Məhv elədin o sevgini, o hissi
ömrüm boyu yaşatdığım
sevgi dolu nəfəsi.

Sənə daha inanmıram, çıx get
bir də heç dönmə.
Bir də səni heç görməyim
bizim pəncərəmizdə.
Qoy həmişə Günəş çıxsın
işıq saçsın ömrümə,
O sevgisiz donub qalan
hisslər də, duyğular da
aşıb-daşsın çaylar kimi
sel olsun qəlbimizdə!

Bahar gəlsin,
cəh-cəh vursun bülbüllər pəncərəmdə
Ürək coşsun məhəbbətdən
sevgi doğsun qəlbimdə.
Yada düşsün xatirələr,
sevib-sevildiyim an
Bir-bir keçsin göz önündən
ehh! Daha nələr, nələr!
Təkcə səni yada salmaq istəmirəm,
başa düş!
İstəmirəm arzularım bir gün donub
buz olsun!
Sən də yağıb üzərinə, hər şeyi məhv edəsən
İstəyirəm bahar olsun,
qoy həmişə yaz olsun!
Çıx get bizim pəncərədən!
Çıx get mənim ömrümdən!
Sənə görə bada verdim
neçə-neçə illəri.
Nə istəyirsən məndən?
ay qar dənəcikləri?!

Əhməd ŞAHİDOV
19 Mart 2013-cü il saat 02:22, Moskva, Rusiya Federasiyası

Xəbərlər

“Əsir və girovlar məsələsində Rusiyanın vasitəçilik təklifi müsbət addımdır” – Əhməd Şahidov ARB24 Televiziyasına danışıb “Vitali Şişkinə sığınacaq verilməsi Ermənistan dövlətinin faşizm siyasətinin təzahürüdür” – Əhməd Şahidov “Türkiyə vətəndaşları üçün vizanın qaldırılması bizləri daha da yaxınlaşdıracaq” – Əhməd Şahidov Ulusal Kanalda çıxış edib “Miatsum İttifaqı planı Ermənistanın beynəlxalq arenadakı mövqelərini zəiflədəcək” – Əhməd Şahidov “Ermənistan hakimiyyəti Araik Kazaryanın ailəsinə təzyiqlərə başlayıb” – Əhməd Şahidov “O insanlara yazığım gəlir” – Əhməd Şahidov Kanal 5 Televiziyasının qonağı olub Əhməd Şahidov Sarıbaş kənd məktəbini ziyarət etdi: “Təhsil ocağı bu vəziyyətdə olmamalıdır” Əhməd Şahidov Qurban Bayramı münasibətilə Qax camaatına təbriklərini çatdırıb “Ən böyük sərvətimiz insanlarımızdır” – Əhməd Şahidov Qax rayonunun 89-cu ildönümü ilə bağlı danışıb Əhməd Şahidov Zərnə kənd məscidinin təmiri ilə bağlı növbəti dəfə müraciət edib “Hər dəfə Şəhidlərimizi ona görə ziyarət edirəm ki…” – Əhməd Şahidov video müraciət edib “Növbəti mərhələdə Dilqəm Əsgərov və Şahbaz Quliyev azad olunacaq” – Əhməd Şahidov ARB24 Televiziyasına danışıb “Girovlarımızla bağlı humanitar dialoq bundan sonra da davam edəcək” – Əhməd Şahidov ATV-ə danışıb “Ermənistan əsir və girovlar məsələsində geri addım atmaqdadır” – Əhməd Şahidov REAL TV-ə danışıb ARB24 Televiziyasının “Gündəm” verilişində girovlar Dilqəm Əsgərov və Şahbaz Quliyev barədə danışılıb