“Konstitusiyaya təklif edilən əlavə və düzəlişlər insan və vətəndaş hüquq və azadlıqlarının möhkəmləndirilməsi ilə yanaşı, dövlət və vətəndaş münasibətlərində də yeni mərhələyə keçid rolunu oynayır.” – bu sözləri hüquq müdafiəçisi Əhməd Şahidov Sentyabr 15-də Xaçmaz rayon ictimaiyyəti ilə görüşdə deyib. Ümumxalq səsverməsinə çıxarılan 29 adda dəyişiklik və əlavələr barədə məlumat verən Əhməd Şahidov azad sahibkarlıq, mülkiyyət hüququ, məhkəmə və inzibati müraciət hüququ, habelə məmurların davranış kodeksi barədə təklif edilən düzəlişlərin vətəndaşların maraqlarına xidmət etdiyini bildirib və 26 Sentyabrda keçiriləcək Referendumda bu təkliflərə HƏ deməyə çağırıb.
Görüşdə iştirak edən yerli sakinlərin suallarını cavablandıran hüquq müdafiəçisi Əhməd Şahidov maddələr üzrə geniş hüquqi izahat verib və yeni düzəlişlərin əhəmiyyətindən danışıb.
