“Öz qədrimizi bilmiriksə, başqası bizim qədrimizi heç vaxt bilməyəcək” – Malax kəndinin cavanları

112 saylı Qax seçki dairəsindən deputatlığa namizəd, tanınmış hüquq müdafiəçisi Əhməd Şahidov Qax rayonu Malax kəndində olub və kənd gəncləri ilə ayaqüstü görüş keçirib. Kəndin qayğıları ilə maraqlanan Əhməd Şahidova məlumat verilib ki, Malax kəndinin ən böyük problemi qaz təminatı, işıq dirəkləri, kənd yolları və gənclərin məşğulluq məsələsi ilə bağlıdır. Malax kənd sakinləri seçkilərdə əslən Malaxdan olan Əhməd Şahidova səs verəcəklərini qətiyyətlə bildiriblər.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktoru, eyni zamanda Azərbaycanlı Əsir və Girovlarla bağlı Məlumat Mərkəzinin koordinatorudur. Dünyanın 65 ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com

Bu yazını Facebookda şərh et