Əhməd Şahidov Qax rayonu İngiloy-Kötüklü kəndində gürcü sakinlərlə görüşüb

112 saylı Qax seçki dairəsindən deputatlığa namizəd, tanınmış hüquq müdafiəçisi Əhməd Şahidov Qax rayonu İngiloy-Kötüklü kəndində olub və yerli sakinlərlə görüşüb. Gürcü vətəndaşlarımızın kompakt yaşadığı bu kənddə yerli sakinlərlə ayaqüstü səmimi söhbət edən Əhməd Şahidov Azərbaycanın multikulturalizm ənənəsi barədə danışıb və deputat seçiləcəyi təqdirdə Qax rayonunda yaşayan bütün xalqlara və dinlərə diqqət və qayğı ilə yanaşacağını bildirib.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktoru, eyni zamanda Azərbaycanlı Əsir və Girovlarla bağlı Məlumat Mərkəzinin koordinatorudur. Dünyanın 65 ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com

Bu yazını Facebookda şərh et