Əhməd Şahidov: “XXI əsrin ideal tələbəsi ifrat dini və şovinist ideyalardan uzaq olmalıdır” — FOTO

Ana Sayfa » Главная » Əhməd Şahidov: “XXI əsrin ideal tələbəsi ifrat dini və şovinist ideyalardan uzaq olmalıdır” — FOTO

Ankarada keçirilən “Birinci beynəlxalq təhsil sosiologiyası simpoziumu”nda gənc alimin çıxışı marağa səbəb oldu

Xəbər verildiyi kimi, May ayının 10-da Türkiyənin Ankara şəhərində Ankara Universiteti rektorluğu, Atatürk Kültür Mərkəzi və Ankara Universiteti Təhsil Elmləri Fakültəsinin birgə təşkilatçılığı ilə “Birinci Beynəlxalq Təhsil Sosiologiyası Simpoziumu” öz işinə başlayıb.
Dünyanın ən qabaqcıl təhsil və elm müəssisələrindən tanınmış alim və sosioloqların iştirak etdiyi bu simpoziumda Maltadan dünya şöhrətli sosioloq, professor Peter Mayo, Almaniyanın Frayburq Universitetindən professor Uve H. Bittlingmayer, Almaniyanın Darmştat Texnik Universitetindən professor Beate Krais, Azərbaycandan akademik Səlahəddin Xəlilov və başqaları iştirak ediblər.
Azərbaycan nümayəndə heyətində Respublika Uşaq Təşkilatının sədri, millət vəkili Gülər Əhmədova, gənc alim, fəlsəfə doktoru Əhməd Şahidov, sosioloq Əbülfəz Süleymanlı, təhsil məsələləri üzrə mütəxəssis Cəsarət Valehov və digər şəxslər təmsil olunurdular. Simpoziumun açılışından sonra bölmələr üzrə məruzələr dinlənildi.
“XXI yüzyılın öğrencisi nasıl olmalıdır: Geleceğin öğrenci modeli” mövzusunda məruzə ilə çıxış edən fəlsəfə doktoru Əhməd Şahidov indiyə kimi mövcud təhsil sistemlərindən söhbət açmış, tarix boyu tətbiq edilən dini dərslərdən, Sovet təhsil sistemindən söhbət açmış, Avropadakı təhsil sistemi ilə Şərq təhsil ənənələrini müqayisə edərək, müsbət və mənfi tərəfləri qabartmışdır. Ə.Şahidovun sözlərinə görə, indiyə kimi heç bir təhsil sistemi ideal vətəndaş, ideal tələbə istehsal edə bilməmişdir. Bunun nəticəsidir ki, zaman-zaman müharibələrin, siyasi toqquşmaların, xaosun şahidi olmuşuq. Çıxışı zamanı yeni şagird, yeni tələbə, yeni vətəndaş yetişdirməyin yollarından danışan gənc alim özünəməxsus fikirləri ilə dinləyicilərin marağına səbəb olmuşdur. Onun sözlərinə görə, XXI əsrdə ideal vətəndaş yetişdirmək üçün ilk növbədə orta məktəbin ilk pillələrindən başlanmalı və şagirdlərə şovinist, qatı dini ideyalardan çox, bəşəri, dünyəvi duyğuları aşılamaq lazımdır: “Uşaqlarımızı şovinist və qatı dini təhsildən kənarda saxlamalıyıq. Amma bu heç də o demək deyil ki, yeni gələn nəslimiz milli köklərinə biganə yanaşmalı və Allahın buyurduqlarına əməl etməməlidirlər. Əsla. Hər bir insan öz kökünü, milli mənsubiyyətini, keçmişini gözəl bilməli və bu dəyərlərə bağlı olmalıdır. Dində nəzərdə tutulan fikirləri öz şəxsi həyatlarında təbliğ etməlidirlər ki, əxlaqlı, tərbiyəli olsunlar, valideynlərinə, böyüklərə hörmətlə yanaşsınlar, cəmiyyətdə nəyin pis, nəyin yaxşı olduğunu yaxşı başa düşsünlər. Amma bütün bunları fərd olaraq seçsinlər, özləri həyatda sərbəst şəkildə seçim edə bilsinlər. Onlara uşaq vaxtlarından hansısa dini ideyaları təbliğ etmək, dünyəvi təhsildən uzaq tutub, mədrəsə tipli məktəblərdə oxutmaq düzgün deyil. Biz cəmiyyətimiz üçün qatı dindarlar, mollalar deyil, əxlaqı, ibadəti, ruhu saf olan dünyəvi vətəndaşlar yetişdirməliyik.”
Qatı millətçilik ideyalarının məktəblərdə təbliğinə qarşı çıxan Əhməd Şahidov bunun sonda irqçilik və faşizmlə nəticələnə biləcəyindən danışdı. Çıxışının sonunda dinləyicilərin suallarını cavablandıran Ə.Şahidov simpoziumdakı uğurlu çıxışına görə, təşkilat komitəsi tərəfindən xüsusi sertifikatla təltif olunmuşdur.

 

Поиск

Новости

Эта мечеть в Гахе рушится — Ахмед Шахидов поднимает вопрос о мечети села Гаратала Ахмед Шахидов в парламенте Великобритании рассказал о нагорно-карабахском конфликте и его гуманитарных последствиях Перед посольством Армении в Варшаве прошла акция протеста под лозунгом «Карабах — это Азербайджан!» «Председательство в Движении неприсоединения открывает новые возможности для Азербайджана» — Ахмед Шахидов «Процесс обмена пленными и заложниками может состояться в ближайшее время» — Ахмед Шахидов «Деятельность Константина Затулина нарушает международное право» — Ахмед Шахидов заявил телеканалу ARB24 Заявление Президента «Карабах — это Азербайджан!» обсуждалось на телеканале Лидер Когда будут обменены азербайджанские заложники Дильгам Аскеров и Шахбаз Гулиев? — Обсуждение в программе «АТВ Актуаль» Как мы защищаем национальные интересы Азербайджана на международных площадках? | Программа «Обзор дня» | ARB TV Вопрос нагорно-карабахского конфликта и азербайджанских заложников обсуждался на международной конференции по правам человека в Лондоне Попытка армянских сепаратистов в ПАСЕ обсуждалась в программе «Обзор дня» телеканала ARB Попытка армянских сепаратистов в ПАСЕ была предотвращена — протест против «омбудсмена» сепаратистского режима Дискуссии о деятельности враждебных организаций против Азербайджана прошли в программе «Обзор дня» телеканала ARB «Памятник Талат Паше в Ереване — это преступление на почве ненависти» — Армения подверглась критике в ОБСЕ На саммите ОБСЕ в Варшаве прозвучали призывы обменять пленных и заложников