“Girovlar məsələsində Ermənistan beynəlxalq çağırışlara məhəl qoymur” – Əhməd Şahidov ATV-ə açıqlama verib

Azərbaycanlı girovlar Dilqəm Əsgərov və Şahbaz Quliyev artıq 4 ildir ki, erməni tərəfinin işgəncələrinə məruz qalırlar

11 İyul 2014-cü il tarixində işğal altında olan Kəlbəcər rayonuna səfər edərək, öz yaxınlarının məzarlarını ziyarət etmək istəyən Dilqəm Əsgərov, Şahbaz Quliyev və Həsən Həsənoverməni əsgərlərinin davamlı işgəncələrinə məruz qaldılar. Nəticədə, Həsən Həsənov dünyasını dəyişdi, digər iki azərbaycanlı – Dilqəm Əsgərov və Şahbaz Quliyev isə artıq 4 ildir ki, erməni girovluğundadırlar.

Bununla bağlı, Azad Azərbaycan Televiziyasına açıqlama verən Azərbaycan Demokratiya və İnsan Haqları İnstitutunun rəhbəri Əhməd Şahidovson 8 ayda azərbaycanlı girovlarla bağlı hər hansı xəbər almadıqlarını deyib və bu istiqamətdə təcili addımlar atılmasının zəruriliyini bildirib: “Girovlarımızla bağlı artıq təcili qərarlar verilməlidir. Onların səhhəti ilə bağlı əlimizdə dəqiq məlumat yoxdur. Ermənistan bütün beynəlxalq çağırışlara və müraciətlərə məhəl qoymur. Bu istiqamətdə bundan sonra da fəaliyyətimizi davam etdirəcəyik.”

Bu yazını Facebookda şərh et