SEVMƏ MƏNİ!

Sevgin mənə ən ağır cəza kəsdi,

Sürgün etdi məni o gözlərinə.

Baxıb qaldım o gözlərdə, bir anlıq

Sevgin mənə çox amansız davrandı.

Soruşmadı sevirəmmi mən səni,

Zorla girdi ürəyimə bu sevgi

Ürəyimi işğal etdi, od qoydu,

Qürurumu taxtdan saldı bu sevgi.

Hər nə varsa, alıb apardı məndən

Əvəzində mənə sevgisin verdi.

O sevgi mənə çox qəribə gəldi

Çünki heç vaxt sevib sevilməmişəm.

Əgər heç vaxt sevməyibsə kimsəni

Hardan bilsin bu sevginin qədrini.

Çaylar tək çağlayır damarda qanım

Görən bu yaşanan əsl sevgidir?!

Mənə hər gün deyir əzizim, canım

Görən o sözləri mənimçün deyir?

İnanmıram sevginin varlığına

Sevgi boş-boş yanıb külə dönməkdir,

Yanmaq üçün gəlmədim ki, həyata

Gəldim ki, yanana şahidlik edim.

Sözüm qısa, ürəyimsə doludur,

Sevmirəm mən səni, məni də sevmə

Sevəndə insanlar aciz olurlar

Aciz olmaq üçün yaşamıram mən.

Bu həyatda yandıran da, yaxan da,

Gözü yaşlı qoyub gedən də mənəm

Qıılınc qında olsun, düşmən baxanda

Sevgini unudub öldürən mənəm.