Azərbaycanlı girovlar Dilqəm Əsgərov və Şahbaz Quliyevin məsələsi ATƏT-in Vyana toplantısında gündəmə gətirilib

Ana Sayfa » Aktual » Azərbaycanlı girovlar Dilqəm Əsgərov və Şahbaz Quliyevin məsələsi ATƏT-in Vyana toplantısında gündəmə gətirilib

Noyabrın 6-da Avstriyanın paytaxtı Vyana şəhərində ATƏT-in “Dezinformasiya, nifrət və radikalizmin qarşısının alınmasında medianın rolu” mövzusunda növbəti iclası keçirilib. Tədbirdə ATƏT üzvü olan 57 ölkənin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak ediblər.

Tədbirdə yaxından iştirak edən Azərbaycan Demokratiya və İnsan Haqları İnstitutunun rəhbəri Əhməd Şahidov məruzə ilə çıxış edib, Cənubi Qafqazdakı movcud münaqişə və konfliktlərin aradan qaldırılmasında mətbuatın əhəmiyyətindən danışıb. Dağlıq Qarabağ münaqişəsi barədə söz açan hüquq müdafiəçisi Ermənistanın işğalçı siyasəti barədə məlumat verib və erməni mətbuatının bu işğala dəstək verdiyini bildirib. 2014-cü ilin İyul ayında öz dədə-baba torpaqlarını ziyarət etmək üçün Kəlbəcər rayonuna səfər edən mülki şəxslər Dilqəm Əsgərov və Şahbaz Quliyevin məsələsini qaldıran ADİHİ rəhbəri 4 ildir ki, həmin şəxslərin erməni girovluğunda saxlanıldığını və Ermənistan mətbuatının buna haqq qazandıran təbliğat apardığını da deyib: “Biz hamımız anlayırıq ki, azad mətbuatın və medianın rolu dünyada sülh, barış və sabitliyin bərqərar olmasına xidmət etməkdir. Təəssüflər olsun ki, ATƏT coğrafiyasındakı bəzi ölkələrin mətbuatı müharibə təbliğatı aparır, yalnış informasiyalar istehsal edir və nifrət toxumlarının dərinləşməsinə xidmət edir. Mən konkret nümunələr üzərində danışmaq istəyirəm.

Bizim təşkilat artıq 4 ildir ki, Ermənistan mətbuatının monitorinqini həyata keçirir. Erməni mətbuatı bölgədə gərginliyin saxlanılması istiqamətində təliğat aparır və yalan informasiyalar yayır. Konkret olaraq, bir məsələ barədə məlumat vermək istəyirəm. Gördüyünüz bu şəxslər azərbaycanlı mülki vətəndaşlar Dilqəm Əsgərov və Şahbaz Quliyevdir. Onlar 2014-cü ilin İyul ayında öz doğmalarının məzarlarını ziyarət edərkən erməni silahlı birlışmələri tərəfindən oğurlanaraq, girov götürülüblər. Onlar üzərində saxta məhkəmə prosesi keçirilib və birinə 22 il, digərinə isə ömürlük həbs cəsası verilib. Bu, məsələnin birinci tərəfidir. Məsələnin ikinci tərəfi isə erməni mətuatının bu hadisəyə reaksiyasıdır. Təəssüflər olsun ki, bugün Ermənistanda bütün mətbuat orqanları – Sarkisyan hakimiyyətinin nəzarətində olan və özünü müstəqil media adlandıran mətbuat orqanları da bu məsələyə qərəzli yanaşırlar. Bu fotolara diqqətlə baxın. İki mülki şəxsin məhkəməyə gətirlmə formasına diqqət yetirin. Biz bu fotoları erməni xəbər saytlarından götürmüşük. Ermənistan mətbuatı bu iki mülki, yaşlı insanı terrorçu kimi qələmə verir və yalnış məlumatlar istehsal edərək bütün dünyanı aldatmağa çalışır.”

Daha sonra özü ilə bağlı erməni mətbuatında yayılan məlumatlara diqqət çəkən hüquq müdafiəçisi Əhməd Şahidov Ermənnistan mediasının yalan, iftira və şantaj metodikasından istifadə etdiyini deyib: “Mən digər məsələyə də sizlərin diqqətini çəkmək istəyirəm. Mən bir hüquq müdafiəçisi kimi, artıq 4 ildir ki, bu mülki şəxslərin hüquqlarının müdafiəsi ilə məşğulam. Bu müddət ərzində Ermənistan mətbuatında mənim əleyhimə dəfələrlə böhtan və yalan dolu yazılar dərc edilib. Erməni mətbuatı məni “terrorçuların vəkili” kimi təqdim edir. Düşünürəm ki, bu kimi tendensiyalar pislənməlidir. Əgər biz regionda sülhə və sabitliyə nail olmaq istəyiriksə, mətbuatın azad, qərəzsiz və vicdanlı olmasına çalışmalıyıq.”

Xəbərlər

Böyük Britaniya Parlamentində Dağlıq Qarabağ münaqişəsi və onun humanitar fəsadları barədə danışılıb Ermənistanın Varşavadakı səfirliyi qarşısında “Qarabağ Azərbaycandır!” şüarı ilə etiraz aksiyası keçirilib “Qoşulmama Hərəkatına sədrlik Azərbaycan üçün yeni imkanlar açır” – Əhməd Şahidov İranın “Səhər” kanalına danışıb “Əsir və girovların dəyişdirilməsi prosesi yaxın vaxtlarda baş tuta bilər” – Əhməd Şahidov “Konstantin Zatulinin fəaliyyəti beynəlxalq hüquq normalarına ziddir” – Əhməd Şahidov ARB24 Televiziyasına danışıb Prezidentin “Qarabağ Azərbaycandır!” bəyanatı Lider Televiziyasında geniş müzakirə olunub Girovlarımız Dilqəm Əsgərov və Şahbaz Quliyev nə vaxt dəyişdirilir? – “ATV Aktual” verilişində müzakirə Beynəlxalq təşkilatlarda Azərbaycanın milli maraqları necə qorunur? | “Günə Baxış” proqramı | ARB TV Londonda keçirilən beynəlxalq insan haqları konfransında Dağlıq Qarabağ münaqişəsi və azərbaycanlı girovlar barədə danışılıb ARB Televiziyasının “Günə Baxış” proqramında erməni separatçılarının AŞPA-dakı təxribat cəhdi ifşa olunub AŞPA-da ermənilərin separatçı cəhdinin qarşısı alınıb – qondarma rejimin “ombudsmanı”na qarşı etiraz aksiyası ARB Televiziyasının “Günə Baxış” proqramında Azərbaycana düşmən təşkilatlar barədə danışılıb “Yerevanda Tələt Paşaya qarşı ucaldılan abidə nifrət cinayətidir” – ATƏT-də Ermənistan tənqid olunub ATƏT-in Varşava toplantısında əsir və girovların dəyişdirilməsi ilə bağlı çağırış edildi ATƏT-in Varşava toplantısında Nikol Paşinyanın son açıqlamaları ifşa olunub