“Bir milyon azərbaycanlı məcburi köçkün humanitar fəlakətin qurbanıdır” – Əhməd Şahidov ATƏT-in Varşava toplantısında erməni işğalından danışıb

Ana Sayfa » ATƏT-də fəaliyyət: çıxışlar, görüşlər və müzakirələr » “Bir milyon azərbaycanlı məcburi köçkün humanitar fəlakətin qurbanıdır” – Əhməd Şahidov ATƏT-in Varşava toplantısında erməni işğalından danışıb

Sentyabrın 21-də Polşanın paytaxtı Varşava şəhərində ATƏT-in Demokratik İnstitutlar və İnsan Haqları Ofisinin təşkil etdiyi illik Zirvə Toplantısı öz işini davam etdirib. Tədbirdə ATƏT üzvü olan 57 ölkənin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak ediblər.

“Humanitar məsələlər və digər öhdəliklər: qaçqın və məcburi köçkünlər” mövzusunda keçirilən müzakirələrdə yaxından iştirak edən Azərbaycan Demokratiya və İnsan Haqları İnstitutunun rəhbəri Əhməd Şahidov Cənubi Qafqaz regionunda mövcud olan münaqişə ocaqlarından söz açıb və Dağlıq Qarabağ konfliktinin humanitar fəsadları barədə məlumat verib. 30 ildən artıqdır ki, bir milyon etnik azərbaycanlının öz ev-eşiyindən didərgin düşdüyünü deyən hüquq müdafiəçisi işğal altında olan Dağlıq Qarabağ və ətraf rayonları humanitar fəlakət zonası adlandırıb və burada yaşamış insanların fundamental hüquqlarının pozulduğunu bildirib.

Dağlıq Qarabağ və ətraf rayonların dərhal azad edilməsi barədə BMT-nin Təhlükəsizlik Şurasının 4 məlum qətnaməsini xatırladan ADİHİ rəhbəri Əhməd Şahidov Ermənistan hakimiyyətinin beynəlxalq qanunları saymadığını və regionda humanitar fəlakətə səbəb olan işğalçılıq siyasətini davam etdirdiyini deyib: “Bir milyon insan bu siyasət nəticəsində humanitar fəlakətlə üz-üzə qalıb. Onların ən təbii hüquqları pozulub, evlərini tərk etmək məcburiyyətində qalıblar, yüzlərlə azərbaycanlı əsir və girov götürülüb, sonradan insan alverinin qurbanına çevriliblər. Azərbaycan həmin ərazilərə nəzarəti itirib və həmin ərazilərdə insan alveri, çirkli pulların yuyulması və terrorçuluq fəaliyyətinin mövcud olması barədə məlumatlar mövcuddur. Beynəlxalq ictimaiyyət işğal altında olan Dağlıq Qarabağ və digər rayonlardakı humanitar fəlakətə hüquqi qiymət verməli və preventiv tədbirlər həyata keçirilməlidir.”

PS. ATƏT üzvü olan ölkələrin qatıldığı İnsani Dəyərlərin Tətbiqi Müşavirəsi Avropada hər il keçirilən ən böyük insan haqları və demokratiya konfransıdır. Hər il ATƏT-in Demokratik Təsisatlar və İnsan Haqları Ofisi tərəfindən təşkil olunan bu toplantı ATƏT üzvü olan 57 ölkə, Əməkdaşlıq üzrə ATƏT Tərəfdaşları, ATƏT-in müxtəlif strukturları, vətəndaş cəmiyyəti institutları, beynəlxalq təşkilatlar və digər müvafiq şəxslərin bir araya toplaşdığı, ATƏT-in insan haqları üzrə vəzifələrinin qiymətləndirildiyi, habelə mövcud problemlərin müzakirə edildiyi, faydalı təcrübələrin paylaşıldığı və gələcək inkişaf üçün qərarların verildiyi yeganə platformadır.

Xəbərlər

Əhməd Şahidov ölkə başçısının sərəncamı ilə yeni mənzillərə köçəcək Qax sakinləri ilə görüşüb “Qaxda Rus dili üçün böyük potensial var” – Əhməd Şahidov Qaxın rusdilli sakinlərinə müraciət etdi “Hər birimiz Ali Baş Komandanın əmrindəyik” – Əhməd Şahidov yaralı əsgərin anasını ziyarət edib Əhməd Şahidov Qaxın gənclərinə müraciət etdi: “Sizin potensialınız Qaxı daha da irəliyə apara bilər” Əhməd Şahidov Zərnə kəndində ailələrdə qonaq olub və sakinləri maraqlandıran sualları cavablandırıb Əhməd Şahidov Qax idmançılarına müraciət etdi: “Seçki də bir yarışdır, dəstək verin ki, Qax qazansın” Türkiyənin nüfuzlu xəbər kanalında Heydər Əliyev Fondunun fəaliyyəti barədə geniş danışılıb Əhməd Şahidov Türkiyənin nüfuzlu xəbər kanalı “Ulusal Kanal”da 20 Yanvar faciəsi barədə danışıb “Mayor Aqil Omarovu tez-tez xatırlamaq lazımdır” – Əhməd Şahidov Şəhidin məzarını ziyarət edib Əhməd Şahidov Qax rayonu Lələpaşa kəndində Şəhid Aqil Omarovun ailəsini ziyarət edib Əhməd Şahidovdan rəqiblərinə müraciət: Qarşılıqlı hörmət şəraitində mübarizə aparaq ki, Qax qazansın Əhməd Şahidov Qax rayonu ictimaiyyəti ilə birlikdə Şəhidlər Xiyabanını ziyarət edib Əhməd Şahidov Qax müəllimlərinə müraciət etdi: “Təhsil verdiyiniz, tərbiyə etdiyiniz qaxlı övladınıza səs verin” “Mən gücümü sizlərin xeyir-duasından alıram” – Əhməd Şahidovun 85 yaşlı Sülbiyyə nənə ilə dialoqu “Qaxımızın turizm potensialını dünya bazarlarına çıxara bilərik” – Əhməd Şahidovdan növbəti müraciət