“Kipr türklərinin iqtisadi, sosial və mədəni haqları tapdanmaqdadır” – Əhməd Şahidov ATƏT-in Varşava toplantısında Şimali Kipr barədə danışıb

Ana Sayfa » ATƏT-də fəaliyyət: çıxışlar, görüşlər və müzakirələr » “Kipr türklərinin iqtisadi, sosial və mədəni haqları tapdanmaqdadır” – Əhməd Şahidov ATƏT-in Varşava toplantısında Şimali Kipr barədə danışıb

Sentyabrın 20-də Polşanın paytaxtı Varşava şəhərində ATƏT-in Demokratik İnstitutlar və İnsan Haqları Ofisinin təşkil etdiyi illik Zirvə Toplantısı öz işini davam etdirib. Tədbirdə ATƏT üzvü olan 57 ölkənin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak ediblər.

“İqtisadi, sosial və mədəni hüquqlar: artan qeyri-bərabərliyə cavab” mövzusunda keçirilən müzakirələrdə yaxından iştirak edən Azərbaycan Demokratiya və İnsan Haqları İnstitutunun rəhbəri Əhməd Şahidov Şimali Kipr Türk Cümhuriyyəti barədə danışıb. Hüquq müdafiəçisi Kipr adasında de-fakto iki müstəqil dövlətin mövcud olduğunu, adada yaşayan Türklərin bir sıra iqtisadi, sosial və mədəni hüquqlarının tanınmadığını və uzun illər davam edən embarqo siyasətinin yaratdığı fəsadların fundamental insan haqlarına zidd olduğunu bildirib: “Kipr adası kiçik bir coğrafiyanı əhatə edir. Adada əvvəllər bir olmuş, sonradan ayrılmış iki dövlət mövcuddur. Mən burada problemin siyasi tərəflərindən danışmaq istəmirəm. Mən hüquq müdafiəçisiyəm və oradakı insanların hüquqlarını ön plana çəkirəm. Bugün Kiprdə yaşayan etnik Türklərin bir sıra fundamental hüquqları tapdanmaqdadır. Kiprdə Türk əsilli idmançılar sərbəst şəkildə beynəlxalq yarışlara qatıla bilmirlər, Kiprdə Türk əsilli musiqiçilər öz istedadlarını nümayiş etdirməkdə əngəllərlə qarşı-qarşıyadırlar. Adanın şimal bölgəsinə birbaşa uçuşlar əngəllənib. Kiprin Türk əsilli iş adamları sərbəst şəkildə ticarətlə məşğul ola bilmirlər. Bu kimi faktları davam etdirə bilərəm.”

Kipr Respublikasının beynəlxalq qanunlara və miqrasiya haqqında razılaşmalara əməl etmədiyini deyən ADİHİ rəhbəri Əhməd Şahidov özünün üzləşdiyi bir problemi də qaldırıb: “Burada Kipr Respublikasının nümayəndəsi əyləşib. Çox gözəl. Hamımız bilirik ki, Kipr Respublikası Avropa Birliyinin üzvü olmaqla yanaşı, həm də Şengen Zonasına daxildir. Yəni, Şengen Vizası ilə həmin ölkəyə səfər etmək mümkündür. Amma bu, heç də hamıya qismət olmur. Mən öz təcrübəmi bölüşmək istəyirəm. Deməli, 2016-cı ilin Fevral ayında Varşavadan Larnakaya bilet aldım və bütün sərhəd prosedurlarını keçdikdən sonra təyyarəyə əyləşdim. Təqribən 4 saat uçduqdan sonra Larnakaya endim. Kipr Respublikasının sərhəd-buraxılış məntəqəsində üzləşdiyim mənzərədən sadəcə şoka düşmüşdüm. Azərbaycan Respublikasının vətəndaşı olduğumu görüb, əli silahlı şəxslər məni bir otağa apardılar. Orada mənə qarşı kobud davranmağa başladılar. Hüquq müdafiəçisi olduğumu və heç bir beynəlxalq və yerli qanunları pozmadığımı bildirəndən sonra bir qədər sakitləşdilər. Şengen Vizamın olduğunu göstərsəm də, Azərbaycan vətəndaşlarının Kipr Respublikasına ayrıca viza ilə gəlməli olduğunu dedilər və məni eyni təyyarə ilə yenidən Varşavaya geri göndərdilər. Təsəvvür edirsizmi?! Mən eyni təyyarə ilə yenidən 4 saat uçaraq, Varşavaya qayıtdım. Mənim bir sərnişin olaraq, hüquqlarım pozulmuşdu. Kipr Respublikası üzvü olduğu Şengen Razılaşmasını kobud şəkildə pozur. Bu proses bugün də davam edir. Mən Kipr Respublikasının buradakı səfirinə səslənirəm. Türkiyə ilə münasibətlərinizi başa düşürəm, amma Azərbaycan ilə nə probleminiz var axı?! Tolerantlıq və birgəyaşayış barədə danışırsız. Budurmu sizin tolerantlığınız?! Sabah Kiprin Türk icması ilə birləşsəniz, onlara da bu vəhşi münasibəti göstərəksinizmi?!”

PS. ATƏT üzvü olan ölkələrin qatıldığı İnsani Dəyərlərin Tətbiqi Müşavirəsi Avropada hər il keçirilən ən böyük insan haqları və demokratiya konfransıdır. Hər il ATƏT-in Demokratik Təsisatlar və İnsan Haqları Ofisi tərəfindən təşkil olunan bu toplantı ATƏT üzvü olan 57 ölkə, Əməkdaşlıq üzrə ATƏT Tərəfdaşları, ATƏT-in müxtəlif strukturları, vətəndaş cəmiyyəti institutları, beynəlxalq təşkilatlar və digər müvafiq şəxslərin bir araya toplaşdığı, ATƏT-in insan haqları üzrə vəzifələrinin qiymətləndirildiyi, habelə mövcud problemlərin müzakirə edildiyi, faydalı təcrübələrin paylaşıldığı və gələcək inkişaf üçün qərarların verildiyi yeganə platformadır.

Xəbərlər

Əhməd Şahidov ölkə başçısının sərəncamı ilə yeni mənzillərə köçəcək Qax sakinləri ilə görüşüb “Qaxda Rus dili üçün böyük potensial var” – Əhməd Şahidov Qaxın rusdilli sakinlərinə müraciət etdi “Hər birimiz Ali Baş Komandanın əmrindəyik” – Əhməd Şahidov yaralı əsgərin anasını ziyarət edib Əhməd Şahidov Qaxın gənclərinə müraciət etdi: “Sizin potensialınız Qaxı daha da irəliyə apara bilər” Əhməd Şahidov Zərnə kəndində ailələrdə qonaq olub və sakinləri maraqlandıran sualları cavablandırıb Əhməd Şahidov Qax idmançılarına müraciət etdi: “Seçki də bir yarışdır, dəstək verin ki, Qax qazansın” Türkiyənin nüfuzlu xəbər kanalında Heydər Əliyev Fondunun fəaliyyəti barədə geniş danışılıb Əhməd Şahidov Türkiyənin nüfuzlu xəbər kanalı “Ulusal Kanal”da 20 Yanvar faciəsi barədə danışıb “Mayor Aqil Omarovu tez-tez xatırlamaq lazımdır” – Əhməd Şahidov Şəhidin məzarını ziyarət edib Əhməd Şahidov Qax rayonu Lələpaşa kəndində Şəhid Aqil Omarovun ailəsini ziyarət edib Əhməd Şahidovdan rəqiblərinə müraciət: Qarşılıqlı hörmət şəraitində mübarizə aparaq ki, Qax qazansın Əhməd Şahidov Qax rayonu ictimaiyyəti ilə birlikdə Şəhidlər Xiyabanını ziyarət edib Əhməd Şahidov Qax müəllimlərinə müraciət etdi: “Təhsil verdiyiniz, tərbiyə etdiyiniz qaxlı övladınıza səs verin” “Mən gücümü sizlərin xeyir-duasından alıram” – Əhməd Şahidovun 85 yaşlı Sülbiyyə nənə ilə dialoqu “Qaxımızın turizm potensialını dünya bazarlarına çıxara bilərik” – Əhməd Şahidovdan növbəti müraciət