“Bu foto erməni faşizminin bariz nümunəsidir” – Əhməd Şahidov ATƏT-in Varşava toplantısında 2 yaşlı Zəhradan danışıb

Ana Sayfa » Aktual » “Bu foto erməni faşizminin bariz nümunəsidir” – Əhməd Şahidov ATƏT-in Varşava toplantısında 2 yaşlı Zəhradan danışıb

Sentyabrın 18-də Polşanın paytaxtı Varşava şəhərində ATƏT-in Demokratik İnstitutlar və İnsan Haqları Ofisinin təşkil etdiyi illik Zirvə Toplantısı öz işini davam etdirib. Tədbirdə ATƏT üzvü olan 57 ölkənin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak ediblər.

“Humanitar məsələlər və digər öhdəliklər: təcavüzkar millətçilik, irqçilik və şovinizm” mövzusunda keçirilən müzakirələrdə yaxından iştirak edən Azərbaycan Demokratiya və İnsan Haqları İnstitutunun rəhbəri Əhməd Şahidov təcavüzkar millətçilik, irqçilik və şovinizm barədə söz açıb və Azərbaycanın erməni vəhşiliyindən əziyyət çəkdiyini bildirib. Füzuli rayonunun Alxanlı kəndində erməni silahlı birləşmələri tərəfindən qətlə yetirilən 2 yaşlı Zəhra Quliyeva barədə danışan hüquq müdafiəçisi Ermənistanın cəbhə bölgəsindəki dinc sakinləri hədəfə aldığını və bunu dövlət səviyyəsində həyata keçirdiklərini diqqətə çatdırıb.

Ermənistan ordusu tərəfindən amansızcasına qətlə yetirilmiş 2 yaşlı Zəhra Quliyeva və onun nənəsi Sahibə Quliyevanın fotolarını tədbir iştirakçılarına nümayiş etdirən ADİHİ rəhbəri Əhməd Şahidov bunu vandalizm aktı adlandırıb və bu cür əməllərin Cenevrə Konvensiyasına zidd olduğunu diqqətə çatdırıb: “Hamınızdan xahiş edirəm ki, bu fotoya diqqət yetirəsiniz. Bu foto İraq və ya Suriyada çəkilməyib. Bu körpənin qatilləri İŞİD deyil. Bu körpə bala bu ilin İyul ayında Azərbaycanın Füzuli rayonunda qətlə yetirilib. Ermənistan silahlı qüvvələrinin atəşkəsi pozması nəticəsində həyatını itirən bu balacanın 2 yaşı var idi, adı Zəhra idi. Azərbaycanın Füzuli rayonunun Alxanlı kəndində dinc sakinlərə qarşı yönəlmiş bu vandalizm aktı nəticəsində 2 yaşlı Zəhra və onun nənəsi dünyasını dəyişdi. Bu, özündə faşizm elementlərini əks etdirən beynəlxalq miqyaslı bir cinayətdir. Xatırladım ki, 1994-cü ildə Ermənistan və Azərbaycan arasında atəşkəs elan olunmasına baxmayaraq, erməni tərəfi dəfələrlə atəşkəs rejimini kobud surətdə pozaraq, mülki əhalini hədəfə alır və günahsız insanların qətlini həyata keçirir. Bu, bütün beynəlxalq qanunlara, xüsusən də Cenevrə Konvensiyasına ziddir.”

PS. ATƏT üzvü olan ölkələrin qatıldığı İnsani Dəyərlərin Tətbiqi Müşavirəsi Avropada hər il keçirilən ən böyük insan haqları və demokratiya konfransıdır. Hər il ATƏT-in Demokratik Təsisatlar və İnsan Haqları Ofisi tərəfindən təşkil olunan bu toplantı ATƏT üzvü olan 57 ölkə, Əməkdaşlıq üzrə ATƏT Tərəfdaşları, ATƏT-in müxtəlif strukturları, vətəndaş cəmiyyəti institutları, beynəlxalq təşkilatlar və digər müvafiq şəxslərin bir araya toplaşdığı, ATƏT-in insan haqları üzrə vəzifələrinin qiymətləndirildiyi, habelə mövcud problemlərin müzakirə edildiyi, faydalı təcrübələrin paylaşıldığı və gələcək inkişaf üçün qərarların verildiyi yeganə platformadır.

Xəbərlər

Əhməd Şahidov Qətərdə keçirilən beynəlxalq insan haqları konfransında iştirak edib Əhməd Şahidov qaxlılara yekun müraciətini etdi: “Seçkilər ölkə başçısının şəxsi nəzarətindədir” Qax sakinləri 9 Fevralda kimə səs verəcəklər? | Qaxın növbəti deputatı kim olsun? – Qaxlılar danışır Əhməd Şahidov Qaxın Lələli kəndində evi yanan ailəni ziyarət edib: “Evdən heç nə çıxara bilmədik” “Heç bir deputatlığa namizədə inanmırıq, 20 ildir bizi aldadırlar” – İbaxlı kəndində maraqlı dialoq Əhməd Şahidov Qax şəhərində qəzalı vəziyyətdə yaşayan ailəni ziyarət edib Əhməd Şahidov Qax şəhərində yaşayan gürcü vətəndaşlarımızla görüşüb: “Sənə səs verəcəyik” Əhməd Şahidov bir daha Zərnə məscidindən söz açdı: “Allaha, Dövlətə və Prezidentə sonadək bağlıyam” Əhməd Şahidov Qax şəhər 1 saylı tam orta məktəbin müəllim kollektivi ilə görüş keçirib “Biz heç vaxt Azər Kərimliyə səs verməmişik, amma hər seçkidə yenə gəlir” – Dəymədağlı kənd camaatı Üç ildir yataq xəstəsi olan Salehin yardıma ehtiyacı var: “Heç kim bizimlə maraqlanmır” Əhməd Şahidov Qax rayonu Qazmalar kənd məscidini ziyarət edib: “Bu məscidi görüb ürəyim sızladı” “Milli Məclisdə sözümüzü ancaq siz çatdıra bilərsiz” – Qax rayonu Qazmalar kəndinin sakinləri Əhməd Şahidov Qax rayonu Qazmalar kəndinin gəncləri ilə görüşüb Əhməd Şahidov Qax rayonu Qum kəndində Şəhid Rəhman Azayevin ailəsini ziyarət edib “Öz qədrimizi bilmiriksə, başqası bizim qədrimizi heç vaxt bilməyəcək” – Malax kəndinin cavanları “Azər Kərimli kimi deputatlarla ölkəmiz çox irəli gedə bilməz” – Qaşqaçay kəndində görüş Əhməd Şahidov Qaxın ucqar dağ kəndində görüş keçirib: “Malaxlılar öz oğluna səs verəcək” “Alimlər yurdunda bir nəfər yoxmu Qaxı Parlamentdə təmsil etsin?” – Oncallı kənd sakinləri ilə görüş “Sən bizim son şansımızsan, Əhməd, bizi yarı yolda qoyma” – Qıpçaq kəndinin ağsaqqalları danışdı “Öz halal zəhmətimizlə çörəyimizi qazanırıq” – Əmbərçay kəndinin ağsaqqalı ilə səmimi görüş “Deputatımız çöpü çöp üstündə qoymayıb bu 20 ildə” – Baydarlı kənd sakinləri ilə görüş Deputatlığa namizəd Əhməd Şahidov Qaxın gürcü sakinlərinə gürcü dilində müraciət etdi “Qax Damazlıq İpəkçilik Stansiyasının açılışını alqışlayırıq” – Əmbərçay kəndində zəhmətkeş ailədə görüş Qaxın Qum kəndinin sakinləri işıq dirəklərindən narahatdır: “Hər an uçub üstümüzə düşə bilər”