“Azərbaycan və gürcü xalqlarının qarşılıqlı münasibəti Avropa üçün nümunə ola bilər” – Əhməd Şahidov ATƏT-in Varşava toplantısında Cənubi Qafqazdakı etnik durumdan danışıb

Ana Sayfa » ATƏT-də fəaliyyət: çıxışlar, görüşlər və müzakirələr » “Azərbaycan və gürcü xalqlarının qarşılıqlı münasibəti Avropa üçün nümunə ola bilər” – Əhməd Şahidov ATƏT-in Varşava toplantısında Cənubi Qafqazdakı etnik durumdan danışıb

Sentyabrın 15-də Polşanın paytaxtı Varşava şəhərində ATƏT-in Demokratik İnstitutlar və İnsan Haqları Ofisinin təşkil etdiyi illik Zirvə Toplantısı öz işini davam etdirib. Tədbirdə ATƏT üzvü olan 57 ölkənin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak ediblər.

“Tolerantlıq və diskriminasiya: etnik azlıqların hüquqları, təcavüzkar millətçilik, irqçilik və şovinizm” mövzusunda keçirilən müzakirələrdə yaxından iştirak edən Azərbaycan Demokratiya və İnsan Haqları İnstitutunun rəhbəri Əhməd Şahidov Cənubi Qafqaz regionunda mövcud olan xalqların uzun illər sülh və qardaşlıq şəraitində yaşadıqlarını, multikulturalizm, birgəyaşayış və dözümlülük prinsiplərinin bu coğrafiyada hər zaman qorunduğunu bildirib. Azərbaycan və Gürcüstandakı tolerantlıq mühiti barədə danışan hüquq müdafiəçisi hər iki ölkədə çoxlu sayda etnik xalqların sülh və qardaşlıq şəraitində yaşadıqlarını və bu birgəyaşayışın bütün dünyaya örnək ola biləcəyini deyib.

Daha sonra Ermənistan barədə söz açan ADİHİ rəhbəri Əhməd Şahidov bu ölkəni monoton adlandırıb və “Ermənistan yalnız ermənilər üçündür” prinsipinin Yerevanda dövlət siyasətinə çevrildiyini diqqətə çatdırıb. Təcavüzkar millətçilik, irqçilik və şovinizmin separatizmə yol açdığını bildirən hüquq müdafiəçisi Dağlıq Qarabağ münaqişəsinin məhz erməni şovinistləri və daşnakları tərəfindən başladıldığını, Qarabağ və ətraf rayonlarda yaşayan etnik azərbaycanlıların kütləvi surətdə qovulduğunu, öldürüldüyünü, yaralandığını və girov götürüldüyünü və nəticədə 30 ildən çox davam edən Dağlıq Qarabağ münaqişəsinin yarandığını deyib: “Bugün də bu münaqişə davam etməkdədir, bir milyondan artıq məcburi köçkün var, rəsmi Yerevan işğalçılıq siyasətini davam etdirir və mütəmadi olaraq, etnik azərbaycanlılar qətlə yetirilir və xəsarət alırlar. Bütün bu faciələrin səbəbkarı Ermənistan hakimiyyəti və onların yürütdüyü təcavüzkar şovinist siyasətidir.”

PS. ATƏT üzvü olan ölkələrin qatıldığı İnsani Dəyərlərin Tətbiqi Müşavirəsi Avropada hər il keçirilən ən böyük insan haqları və demokratiya konfransıdır. Hər il ATƏT-in Demokratik Təsisatlar və İnsan Haqları Ofisi tərəfindən təşkil olunan bu toplantı ATƏT üzvü olan 57 ölkə, Əməkdaşlıq üzrə ATƏT Tərəfdaşları, ATƏT-in müxtəlif strukturları, vətəndaş cəmiyyəti institutları, beynəlxalq təşkilatlar və digər müvafiq şəxslərin bir araya toplaşdığı, ATƏT-in insan haqları üzrə vəzifələrinin qiymətləndirildiyi, habelə mövcud problemlərin müzakirə edildiyi, faydalı təcrübələrin paylaşıldığı və gələcək inkişaf üçün qərarların verildiyi yeganə platformadır.

Xəbərlər

Əhməd Şahidov Qətərdə keçirilən beynəlxalq insan haqları konfransında iştirak edib Əhməd Şahidov qaxlılara yekun müraciətini etdi: “Seçkilər ölkə başçısının şəxsi nəzarətindədir” Qax sakinləri 9 Fevralda kimə səs verəcəklər? | Qaxın növbəti deputatı kim olsun? – Qaxlılar danışır Əhməd Şahidov Qaxın Lələli kəndində evi yanan ailəni ziyarət edib: “Evdən heç nə çıxara bilmədik” “Heç bir deputatlığa namizədə inanmırıq, 20 ildir bizi aldadırlar” – İbaxlı kəndində maraqlı dialoq Əhməd Şahidov Qax şəhərində qəzalı vəziyyətdə yaşayan ailəni ziyarət edib Əhməd Şahidov Qax şəhərində yaşayan gürcü vətəndaşlarımızla görüşüb: “Sənə səs verəcəyik” Əhməd Şahidov bir daha Zərnə məscidindən söz açdı: “Allaha, Dövlətə və Prezidentə sonadək bağlıyam” Əhməd Şahidov Qax şəhər 1 saylı tam orta məktəbin müəllim kollektivi ilə görüş keçirib “Biz heç vaxt Azər Kərimliyə səs verməmişik, amma hər seçkidə yenə gəlir” – Dəymədağlı kənd camaatı Üç ildir yataq xəstəsi olan Salehin yardıma ehtiyacı var: “Heç kim bizimlə maraqlanmır” Əhməd Şahidov Qax rayonu Qazmalar kənd məscidini ziyarət edib: “Bu məscidi görüb ürəyim sızladı” “Milli Məclisdə sözümüzü ancaq siz çatdıra bilərsiz” – Qax rayonu Qazmalar kəndinin sakinləri Əhməd Şahidov Qax rayonu Qazmalar kəndinin gəncləri ilə görüşüb Əhməd Şahidov Qax rayonu Qum kəndində Şəhid Rəhman Azayevin ailəsini ziyarət edib “Öz qədrimizi bilmiriksə, başqası bizim qədrimizi heç vaxt bilməyəcək” – Malax kəndinin cavanları “Azər Kərimli kimi deputatlarla ölkəmiz çox irəli gedə bilməz” – Qaşqaçay kəndində görüş Əhməd Şahidov Qaxın ucqar dağ kəndində görüş keçirib: “Malaxlılar öz oğluna səs verəcək” “Alimlər yurdunda bir nəfər yoxmu Qaxı Parlamentdə təmsil etsin?” – Oncallı kənd sakinləri ilə görüş “Sən bizim son şansımızsan, Əhməd, bizi yarı yolda qoyma” – Qıpçaq kəndinin ağsaqqalları danışdı “Öz halal zəhmətimizlə çörəyimizi qazanırıq” – Əmbərçay kəndinin ağsaqqalı ilə səmimi görüş “Deputatımız çöpü çöp üstündə qoymayıb bu 20 ildə” – Baydarlı kənd sakinləri ilə görüş Deputatlığa namizəd Əhməd Şahidov Qaxın gürcü sakinlərinə gürcü dilində müraciət etdi “Qax Damazlıq İpəkçilik Stansiyasının açılışını alqışlayırıq” – Əmbərçay kəndində zəhmətkeş ailədə görüş Qaxın Qum kəndinin sakinləri işıq dirəklərindən narahatdır: “Hər an uçub üstümüzə düşə bilər”