“Dağlıq Qarabağ məsələsində Azərbaycan xalqı və dövlətinin mövqeyi üst-üstə düşür” – Əhməd Şahidov

Ötən gün Azərbaycan Demokratiya və İnsan Haqları İnstitutunun rəhbəri Əhməd Şahidov İran İslam Respublikasının “Səhər” Televiziyasının “Hüquqi Aspekt” verilişinin canlı yayımında Dağlıq Qarabağ münaqişəsi və onun mümkün həlli yolları barədə danışıb. Azərbaycanın hər zaman sülh danışıqlarına üstünlük verdiyini diqqətə çatdıran Əhməd Şahidov hərb yolunu da istisna etməyib və Azərbaycan Ordusunun işğal olunmuş torpaqları azad etmək gücündə olduğunu bildirib: “Dağlıq Qarabağ məsələsində Azərbaycan xalqı və dövlətinin mövqeyi tamamilə üst-üstə düşür. İşğal olunmuş torpaqlar azad olunmalıdır. İstər sülh, istərsə də hərb yolu ilə olacaq, amma Azərbaycan xalqı torpaqların işğalı ilə heç vaxt barışmayacaq!”