Senator Con Makkeyn Azərbaycanla bağlı sualı cavablandırdı: “Putinin növbəti hədəfi Azərbaycandır”

makkeyn
ADİHİ rəhbəri Əhməd Şahidov ABŞ senatorları ilə görüşdə Dağlıq Qarabağla bağlı məsələ qaldırıb

İyunun 21-də Slovakiyanın paytaxtı Bratislava şəhərində GLOBSEC 2015 Təhlükəsizlik Forumu öz işini davam etdirib. Avropanın dövlət və hökumət başçılarının iştirak etdiyi bu beynəlxalq tədbirdə Avropa regionunda təhlükəsizlik problemi və terrorla mübarizə, habelə Rusiyanın xarici siyasəti məsələləri müzakirə olunub.

‘ABŞ və Avropa əməkdaşlığı’ mövzusunda keçirilən növbəti müzakirələrdə ABŞ Senatının üzvləri – Con Makkeyn, Tom Kotton və Con Barrosso ABŞ-ın xarici siyasəti və Avropanın təhlükəsizliyi barədə danışıblar və gəncləri maraqlandıran sualları cavablandırıblar.

senators8

Görüşdə iştirak edən ADİHİ rəhbəri Əhməd Şahidov amerikalı senatorlara Cənubi Qafqazdakı mövcud konfliktlər, xüsusən də Dağlıq Qarabağ münaqişəsi barədə sual ünvanlayıb və ABŞ-ın Azərbaycanla bağlı mövqeyini soruşub. Hüquq müdafiəçisi Əhməd Şahidovun sualına cavab verən senator Con Makkeyn bildirib ki, Ermənistanla bağlı durum məlumdur. Bu ölkə Rusiyadan tam asılıdır: “O ki qaldı, Azərbaycana, təəssüflə bildirməliyəm ki, Putinin növbəti hədəfi Azərbaycandır və biz bunu gözləyirik. Dağlıq Qarabağ münaqişəsi barədə isə onu deyə bilərəm ki, tərəflər özləri münaqişəni həll etməli və yaxınlıq göstərməlidirlər. ABŞ olaraq, biz sülh naminə atılan istənilən addımı alqışlayırıq.”


senators senators9 senators7 senators6 senators5 senators4 senators3 senators2 senators1

Bu yazını Facebookda şərh et