AŞPA prezidenti xanım Ann Brassor Azərbaycanda insan haqlarının vəziyyətini diqqətdə saxlayır
Yanvarın 29-da Azərbaycan Demokratiya və İnsan Haqları İnstitutunun rəhbəri Əhməd Şahidov Fransanın Strasburq şəhərində AŞPA prezidentinin şəxsi ofisinin direktor müavini cənab Artemi Karpanko ilə görüşüb. Görüş zamanı rəhbərlik etdiyi yəşkilat barədə məlumat verən ADİHİ rəhbəri Azərbaycanda insan haqlarının vəziyyəti ilə bağlı AŞPA rəsmisini məlumatlandırıb.
Azərbaycanda insan haqlarının vəziyyətin, xüsusən də ifadə azadlığı ilə bağlı durumun AŞPA prezidenti xanım Ann Brassorun daim diqqətində olduğunu deyən Artemi Karpenko Azərbaycan hökuməti ilə də mütəmadi təmaslarının olduğunu bildirib. ADİHİ ilə AŞPA arasında informasiya mübadiləsinin davam etdirilməsinin zəruliyini qeyd edən cənab Karpenko Əhməd Şahidova fəaliyyətində uğurlar arzulayıb və görüş barədə AŞPA prezidenti xanım Ann Brassora məlumat verəcəyini deyib.