İyulun 12-də Ermənistan tərəfi Azərbaycan-Ermənistan sərhədinin Tovuz rayonu istiqamətində növbəti hərbi təxribat törədib. Son təxribat nəticəsində bir neçə azərbaycanlı hərbçi şəhid olub. Bu, Ermənistanın dövlət sərhədində hərbi təxribatlar törətməsi ilə bağlı ilk təcrübə deyil.
Ermənistan silahlı qüvvələrinin hərbi hissələri vəziyyətin gərginləşməsi məqsədilə iri çaplı pulemyotlardan və digər artilleriya qurğularından istifadə edərək sutka ərzində cəbhənin müxtəlif istiqamətlərində atəşkəs rejimini pozub.
Ermənistan silahlı qüvvələri Tovuz rayonunun Ağdam kəndində yerləşən Azərbaycan Ordusunun mövqelərini atəşə tutublar.
TRT World Televiziyasında “Xəbər saatı” verilişində bölgədəki son vəziyyəti şərh edən Azərbaycan Demokratiya və İnsan Haqları İnstitutunun rəhbəri Əhməd Şahidov aparıcı Andrea Sankenin suallarını cavablandırıb.
