Əhməd Şahidov Qaxın mədəniyyət və incəsənət nümayəndələrinə müraciət etdi: “Mən sizin dostunuzam”

112 saylı Qax seçki dairəsindən deputatlığa namizəd, tanınmış hüquq müdafiəçisi Əhməd Şahidov Qax rayonunda fəaliyyət göstərən mədəniyyət və incəsənət nümayəndələrinə müraciət edib. Hər zaman mədəniyyətə xüsusi diqqətlə yanaşdığını bildirən deputatlığa namizəd Qaxda mədəniyyətin və incəsənətin daha da inkişaf etməsində və istedadlı insanlara daima diqqət və qayğı göstərilməsində maraqlı olduğunu və deputat seçiləcəyi təqdirdə bu istiqamətdə ardıcıl işlər aparacağını bildirib.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktoru, eyni zamanda Azərbaycanlı Əsir və Girovlarla bağlı Məlumat Mərkəzinin koordinatorudur. Dünyanın 65 ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com

Bu yazını Facebookda şərh et