Əhməd Şahidov Şəhid Abdulla Mollayevin ailəsini ziyarət etdi: “Balamızın xatirəsi əbədiləşdirilsin”

112 saylı Qax seçki dairəsindən deputatlığa namizəd, tanınmış hüquq müdafiəçisi Əhməd Şahidov Qax rayonu Qaxbaş kəndində Şəhid Abdulla Mollayevin ailəsini ziyarət edib. Şəhidin valideynləri ilə görüşən deputatlığa namizəd onların qayğıları, istək və arzuları ilə yaxından maraqlanıb, Şəhid zabitimiz Abdulla Mollayevin xatirəsinin əbədiləşdirilməsi üçün müəyyən addımların atılmasının vacibliyini vurğulayıb.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktoru, eyni zamanda Azərbaycanlı Əsir və Girovlarla bağlı Məlumat Mərkəzinin koordinatorudur. Dünyanın 65 ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com

Bu yazını Facebookda şərh et