“Ermənistan azərbaycanlı girovların qəhrəman kimi qarşılanacağından narahatdır” – Əhməd Şahidov

Ana Sayfa » Aktual » “Ermənistan azərbaycanlı girovların qəhrəman kimi qarşılanacağından narahatdır” – Əhməd Şahidov

Bugün Ermənistan Respublikasının Xarici İşlər Nazirliyi rəsmi Bakının irəli sürdüyü əsir və girovların “Hamının hamıya” prinsipi üzrə dəyişdirilməsi prosesinə dair açıqlama yayıb. Ermənistan XİN mətbuat katibi Anna Naqdalyan yerli mətbuata verdiyi açıqlamada bildirib ki, “Ermənistan XİN hər zaman real humanitar addımların atılmasının tərəfdarı olub, lakin bu humanitar hərəkətlər ağır cinayətlərin cəzasız qalması ilə nəticələnməməlidir.”

Erməni tərəfində saxlanılan azərbaycanlı mülki girovlar Dilqəm Əsgərov və Şahbaz Quliyevin guya “ağır cinayət törətdiklərini və mülki insanları qətlə yetiridklərini” iddia edən Ermənistan XİN nümayəndəsi həmin şəxslərin “qəhrəmanlaşdırılması”nın əleyhinə olduqlarını da bildirib.

Ermənistan XİN-in bu açıqlamasını şərh edən Azərbaycanlı Əsir və Girovlarla bağlı Məlumat Mərkəzinin koordinatoru Əhməd Şahidov rəsmi Bakının təklif etdiyi “Hamının hamıya” prinsipi üzrə əsir və girovların dəyişdirilməsi prosesinin rəsmi İrəvanı narahat etdiyini deyib: “Vyana və Moskva görüşlərində əldə olunmuş humanitar addımların atılması barədə razılaşmaya əsasən, artıq rəsmi İrəvan müəyyən addımlar atmağa başlayıb. Bu ölkənin müdafiə naziri David Tonoyanın son açıqlaması, habelə Ermənistan XİN-in bugünkü bəyanatı belə deməyə əsas verir. Ermənistan humanitar addımları atmağa hazır olduğunu desə də, azərbaycanlı girovların öz Vətənlərində qəhrəman kimi qarşılanacağından narahatdır və bunu açıq şəkildə ifadə edir. Düşünürəm ki, bu, Ermənistanın subyektiv fikridir. Azərbaycan dövləti və cəmiyyəti hansı məsələ ilə bağlı necə davranacağı barədə özü qərar verəcək.”

Xəbərlər

“O insanlara yazığım gəlir” – Əhməd Şahidov Kanal 5 Televiziyasının qonağı olub Əhməd Şahidov Sarıbaş kənd məktəbini ziyarət etdi: “Təhsil ocağı bu vəziyyətdə olmamalıdır” Əhməd Şahidov Qurban Bayramı münasibətilə Qax camaatına təbriklərini çatdırıb “Ən böyük sərvətimiz insanlarımızdır” – Əhməd Şahidov Qax rayonunun 89-cu ildönümü ilə bağlı danışıb Əhməd Şahidov Zərnə kənd məscidinin təmiri ilə bağlı növbəti dəfə müraciət edib “Hər dəfə Şəhidlərimizi ona görə ziyarət edirəm ki…” – Əhməd Şahidov video müraciət edib “Növbəti mərhələdə Dilqəm Əsgərov və Şahbaz Quliyev azad olunacaq” – Əhməd Şahidov ARB24 Televiziyasına danışıb “Girovlarımızla bağlı humanitar dialoq bundan sonra da davam edəcək” – Əhməd Şahidov ATV-ə danışıb “Ermənistan əsir və girovlar məsələsində geri addım atmaqdadır” – Əhməd Şahidov REAL TV-ə danışıb ARB24 Televiziyasının “Gündəm” verilişində girovlar Dilqəm Əsgərov və Şahbaz Quliyev barədə danışılıb Əhməd Şahidov Tbilisidə Mirzə Fətəli Axundov adına Azərbaycan Mədəniyyəti Muzeyini ziyarət edib Gürcüstanın Strateji və Beynəlxalq Araşdırmalar Fondunda görüş keçirilib Əhməd Şahidov Tbilisidə Dağlıq Qarabağ münaqişəsinin humanitar fəsadlarından danışıb Elvin İbrahimovun erməni diversant Zaven Karapetyanla dəyişdirilməsi təqdirəlayiqdir – Əhməd Şahidov AŞPA-nın Yay Sessiyasının nəticələri İctimai Televiziyanın “Diqqət Mərkəzi”ndə müzakirə olunub