Əhməd Şahidov Londonda keçirilən beynəlxalq konfransda azərbaycanlı əsir və girovlar barədə danışıb

Ana Sayfa » Çıxışlar » Əhməd Şahidov Londonda keçirilən beynəlxalq konfransda azərbaycanlı əsir və girovlar barədə danışıb

Azərbaycanlı Əsir və Girovlarla bağlı Məlumat Mərkəzinin koordinatoru, hüquq müdafiəçisi Əhməd Şahidov Aprelin 8-də Böyük Britaniyanın paytaxtı London şəhərində keçirilən “Uniting for Peace Conference 2019” adlı beynəlxalq konfransda iştirak edib. Böyük Britaniya Parlamentinin üzvləri, müxtəlif siyasi partiya mənsubları, Britaniya mətbuatının nümayəndələri və ictimai-siyasi xadimlərinin qatıldığı toplantıda bəşəriyyəti narahat edən qlobal problemlərdən danışılıb, xırda və böyük münaqişələr, terrorizm və separatizm ilə mübarizə metodları barədə müzakirələr aparılıb.

“Münaqişələr və sülhə gedən yol” panelində çıxış edən hüquq müdafiəçisi Əhməd Şahidov dünyadakı münaqişə ocaqları barədə məlumat verib, Azərbaycanın üzləşdiyi Dağlıq Qarabağ münaqişəsindən söz açıb, azərbaycanlı məcburi köçkünlər, habelə əsir və girovlarımız haqqında danışıb. Böyük Britaniyanın BMT Təhlükəsizlik Şurasının daimi üzvü olduğunu xatırladan hüquq müdafiəçisi işğal olunmuş Dağlıq Qarabağ və ətraf ərazilərin dərhal azad edilməsi barədə BMT Təhlükəsizlik Şurasının 4 məlum qətnaməsinin hələ də həyata keçirilmədiyini konfrans iştirakçılarının diqqətinə çatdırıb.

Dünyada sülhün bərqərar olması üçün Böyük Britaniyanın daha fəal və çevik siyasət yeritməli olduğunu deyən Əhməd Şahidov konfrans iştirakçılarını beynəlxalq terrorizmi və separatizmi pisləməyə çağırıb: “Mənim ölkəmin 10 milyon əhalisi var və Azərbaycanda hər 10 nəfərdən biri qaçqın həyatı yaşayır. Bugün bütün dünyanı narahat edən beynəlxalq terrorizm və separatizm hələ 1988-ci ildən bugünə qədər Azərbaycanı hədəfə almaqdadır. Ölkəmizin 20 faiz ərazisi işğal altındadır və 1 milyon qaçqınımız var. Bugün 3888 azərbaycanlı əsir, itkin düşmüş və girov götürülmüş sayılır. Onların həyatı barədə heç bir məlumatımız yoxdur. Bir hüquq müdafiəçisi kimi sizlərə müraciət edirəm ki, bizim haqq səsimizə səs verəsiniz və sülhə öz töhfənizi əsirgəməyəsiniz.

Xəbərlər

“O insanlara yazığım gəlir” – Əhməd Şahidov Kanal 5 Televiziyasının qonağı olub Əhməd Şahidov Sarıbaş kənd məktəbini ziyarət etdi: “Təhsil ocağı bu vəziyyətdə olmamalıdır” Əhməd Şahidov Qurban Bayramı münasibətilə Qax camaatına təbriklərini çatdırıb “Ən böyük sərvətimiz insanlarımızdır” – Əhməd Şahidov Qax rayonunun 89-cu ildönümü ilə bağlı danışıb Əhməd Şahidov Zərnə kənd məscidinin təmiri ilə bağlı növbəti dəfə müraciət edib “Hər dəfə Şəhidlərimizi ona görə ziyarət edirəm ki…” – Əhməd Şahidov video müraciət edib “Növbəti mərhələdə Dilqəm Əsgərov və Şahbaz Quliyev azad olunacaq” – Əhməd Şahidov ARB24 Televiziyasına danışıb “Girovlarımızla bağlı humanitar dialoq bundan sonra da davam edəcək” – Əhməd Şahidov ATV-ə danışıb “Ermənistan əsir və girovlar məsələsində geri addım atmaqdadır” – Əhməd Şahidov REAL TV-ə danışıb ARB24 Televiziyasının “Gündəm” verilişində girovlar Dilqəm Əsgərov və Şahbaz Quliyev barədə danışılıb Əhməd Şahidov Tbilisidə Mirzə Fətəli Axundov adına Azərbaycan Mədəniyyəti Muzeyini ziyarət edib Gürcüstanın Strateji və Beynəlxalq Araşdırmalar Fondunda görüş keçirilib Əhməd Şahidov Tbilisidə Dağlıq Qarabağ münaqişəsinin humanitar fəsadlarından danışıb Elvin İbrahimovun erməni diversant Zaven Karapetyanla dəyişdirilməsi təqdirəlayiqdir – Əhməd Şahidov AŞPA-nın Yay Sessiyasının nəticələri İctimai Televiziyanın “Diqqət Mərkəzi”ndə müzakirə olunub