İstanbul Yeni Yüzyıl Universitetində Xocalı soyqırımının ildönümü qeyd edilib

Ana Sayfa » Çıxışlar » İstanbul Yeni Yüzyıl Universitetində Xocalı soyqırımının ildönümü qeyd edilib

Heydər Əliyev Fondunun vitse-prezidenti Leyla Əliyevanın təşəbbüskarı olduğu “Xocalıya ədalət!” beynəlxalq kampaniyası çərçivəsində 20-26 Fevral tarixlərində Türkiyənin İstanbul şəhərində “Xocalıya Ədalət” Həftəsi keçirilib. Həftə çərçivəsində İslahatçı Gənclər İctimai Birliyinin təşkilatçılığı ilə Fevralın 25-də İstanbul Yeni Yüzyıl Universitetində Xocalı soyqırımını anma konfransı təşkil olunub. Anma tədbirində hər iki ölkənin dövlət himnləri səsləndirilib, faciə qurbanlarının xatirəsi bir dəqiqəlik sükutla yad edilib.

İslahatçı Gənclər İctimai Birliyinin sədri Fərid Şahbazlı bu faciənin yalnız azərbaycanlılara deyil, bütün türk millətinə, insanlığa qarşı işlənən cinayət olduğunu bildirib. Qeyd edilib ki, bir şəhərdə bir gecənin içərisində 63 uşağın öldürülməsi dəhşət saçan bir faktdır. Fərid Şahbazlı Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq kampaniyasının bu soyqırım aktının dünyaya çatdırılmasında böyük rol oynadığını bildirib. Qeyd edilib ki, artıq 8 ildir İslahatçı Gənclər İctimai Birliyi tərəfindən bu kampaniya çərçivəsində bir çox tədbirlər keçirilir.

Xocalı soyqırımının 27-ci ildönümündə hələ də dünya ictimaiyyətinin bu insanlıq cinayətinə lazımi hüquqi qiymət vermədiyini deyən Azərbaycan Demokratiya və İnsan Haqları İnstitutunun rəhbəri, hüquq müdafiəçisi Əhməd Şahidov beynəlxalq platformalarda Türkiyə və Azərbaycanın birlikdə hərəkət etdiyini söyləyib. Beynəlxalq hüququn təməl prinsiplərinə ikili standartlardan yanaşıldığını təəssüflə vurğulayan hüquq müdafiəçisi Xocalı soyqırımı canilərinin ədalət qarşısında cavab verəcəyini və bunun üçün bütün səyləri birləşdirməyin zəruriliyini qeyd edib, habelə Dağlıq Qarabağ münaqişəsi zamanı əsir və itkin düşmüş, girov götürülmüş vətəndaşlarımızın hüquqlarının qorunması məsələsinin də Azərbaycan dövlətinin gündəliyində prioritet olaraq, qaldığını konfrans iştirakçılarının diqqətinə çatdırıb.

Anım tədbirində Şimali Kipr Türk Respublikasının vitse-spikeri Zorlu Töre, Makedoniya parlamentinin deputatı Enes İbrahim, Yeni Yüzyıl Universitetinin dekanı Cəlal Elbay, Rauf Raif Denktaş və Düşüncələrini Yaşatma Dərnəyinin başkanı Latif Akça və digər natiqlər çıxışlarında 1992-ci il fevralın 25-dən 26-na keçən gecə ermənilər tərəfindən Xocalıda törədilən qətliamın XX əsrin ən qanlı faciələrindən biri kimi tarixə düşdüyünü bildiriblər. Qeyd edilib ki, ədalət tərəfində olan hər bir şəxs BMT Təhlükəsizlik Şurasının Ermənistanın Azərbaycan torpaqlarını qeyd-şərtsiz tərk etməsi haqqında qəbul etdiyi qətnamələrinin icra edilməsini, hadisənin günahkarlarının törətdikləri cinayətlərə görə cavab verməsini tələb edir.

Anım mərasimində Azərbaycanın Əməkdar artisti Aybəniz Haşımovanın rəhbərlik etdiyi “Sənət Akademiyasının” üzvləri tərəfindən Xocalı soyqırımını əks etdirən müxtəlif musiqi nömrələri ifa edilib.

Xəbərlər

Prezidentin “Qarabağ Azərbaycandır!” bəyanatı Lider Televiziyasında geniş müzakirə olunub Girovlarımız Dilqəm Əsgərov və Şahbaz Quliyev nə vaxt dəyişdirilir? – “ATV Aktual” verilişində müzakirə Beynəlxalq təşkilatlarda Azərbaycanın milli maraqları necə qorunur? | “Günə Baxış” proqramı | ARB TV Londonda keçirilən beynəlxalq insan haqları konfransında Dağlıq Qarabağ münaqişəsi və azərbaycanlı girovlar barədə danışılıb ARB Televiziyasının “Günə Baxış” proqramında erməni separatçılarının AŞPA-dakı təxribat cəhdi ifşa olunub AŞPA-da ermənilərin separatçı cəhdinin qarşısı alınıb – qondarma rejimin “ombudsmanı”na qarşı etiraz aksiyası ARB Televiziyasının “Günə Baxış” proqramında Azərbaycana düşmən təşkilatlar barədə danışılıb “Yerevanda Tələt Paşaya qarşı ucaldılan abidə nifrət cinayətidir” – ATƏT-də Ermənistan tənqid olunub ATƏT-in Varşava toplantısında əsir və girovların dəyişdirilməsi ilə bağlı çağırış edildi ATƏT-in Varşava toplantısında Nikol Paşinyanın son açıqlamaları ifşa olunub “Əsir və girovlarımızın məsələsini ATƏT-in Varşava toplantısında qaldıracağıq” – Əhməd Şahidov Lider Televiziyasının “Sədadan sonra” proqramında azərbaycanlı əsir və girovlar barədə müzakirə aparılıb “Əsir və girovlar məsələsində Rusiyanın vasitəçilik təklifi müsbət addımdır” – Əhməd Şahidov ARB24 Televiziyasına danışıb “Vitali Şişkinə sığınacaq verilməsi Ermənistan dövlətinin faşizm siyasətinin təzahürüdür” – Əhməd Şahidov “Türkiyə vətəndaşları üçün vizanın qaldırılması bizləri daha da yaxınlaşdıracaq” – Əhməd Şahidov Ulusal Kanalda çıxış edib