Azərbaycanlı və gürcü gənclər Tbilisidə bir araya gəldi: “Qafqazda sülh istəyirik!”

Ana Sayfa » Aktual » Azərbaycanlı və gürcü gənclər Tbilisidə bir araya gəldi: “Qafqazda sülh istəyirik!”

Tbilisidə “Qafqazda sülh: Gürcüstan-Azərbaycan münasibətlərinin daha da möhkəmlənməsində gənclərin rolu” mövzusunda konfrans keçirilib.

Gürcüstan Azərbaycanlı Hüquqşünaslar Assosiasiyası (GAHA) ilə Azərbaycanın İslahatçı Gənclər İctimai Birliyinin birgə keçirdiyi tədbirdə azərbaycanlı və gürcü gənclər, elm və siyasət adamları, tələbələr iştirak ediblər.

Əvvəlcə Azərbaycanın və Gürcüstanın ərazi bütövlüyü, müstəqilliyi uğurunda şəhid olan qəhrəmanların xatirəsi ehtiramla yad olunub.

GAHA-nın təsisçisi, hüquqşünas Əli Bədirov Azərbaycan ilə Gürcüstan arasındakı qədim dostluq əlaqələrindən danışıb. Bildirib ki, Azərbaycan və gürcü xalqlarının dövlətçilik və müstəqillik uğurundakı mübarizə tarixində də oxşarlıq var.

Sonra İslahatçı Gənclər İctimai Birliyinin sədri Fərid Şahbazlı çıxış edərək, qeyd edib ki, bu gün bəzi qüvvələr həm ikitərəfli münasibətlərimizə zərbə vurmağa, həm də hamımızın evi olan Qafqazda münaqişələr yaratmaqla sabitliyi pozmağa çalışırlar. Sağlam gənclik bunu görür, başa düşür və buna qarşı mübarizə aparır.

Gürcü politoloq Giorgi Qoqua çıxışında Azərbaycan-Gürcüstan dostluğunun tarixinə nəzər salıb. O, 1918-ci ilin mayında Azərbaycanın və Gürcüstanın Tbilisidə müstəqillik bəyannamələrini qəbul etdiklərini xatırladıb və bildirib ki, bugün həm Azərbaycan, həm də Gürcüstan regionda sabitlik, sülh və tərəqqi uğurunda birgə mübarizə aparırlar.

Azərbaycan Demokratiya və İnsan Haqları İnstitutunun rəhbəri, hüquq müdafiəçisi Əhməd Şahidov çıxışında hər iki xalqın ortaq tarixi, mədəniyyəti və gələcək hədəfləri barədə söz açıb, beynəlxalq platformalarda Azərbaycan və Gürcüstan nümayəndələrinin eyni mövqedən çıxış etdiyini və ölkələrin ərazi bütövlüyünün vacib şərt olduğunu diqqətə çatdırıb. Ötən ay Gürcüstanın Axalkalaki bölgəsində erməni cəlladı Mixail Avaqyana abidə ucaldılması məsələsinə toxunan hüquq müdafiəçisi bunu üçüncü qüvvələrin təxribat cəhdi kimi qiymətləndirib və Gürcüstan hökumətinin bu səhvi tezliklə aradan qaldıracağına inandığını bildirib.

Daha sonra Gürcüstanda yaşayan ictimai-siyasi fəal Nərgiz Əliyeva, gürcü siyasi ekspert və şərhçi Alika Quçua, qafqazşünas Nodar Tabadze, elmi araşdırmaçı Emilya Allahverdiyeva və başqaları çıxış ediblər.

Sonda Azərbaycan-Gürcüstan münasibətlərinin inkişafında fərqlənən bir qrup gürcü gəncə diplom, tərifnamə və hədiyyələr təqdim olunub.

Xəbərlər

“Əsir və girovlar məsələsində Rusiyanın vasitəçilik təklifi müsbət addımdır” – Əhməd Şahidov ARB24 Televiziyasına danışıb “Vitali Şişkinə sığınacaq verilməsi Ermənistan dövlətinin faşizm siyasətinin təzahürüdür” – Əhməd Şahidov “Türkiyə vətəndaşları üçün vizanın qaldırılması bizləri daha da yaxınlaşdıracaq” – Əhməd Şahidov Ulusal Kanalda çıxış edib “Miatsum İttifaqı planı Ermənistanın beynəlxalq arenadakı mövqelərini zəiflədəcək” – Əhməd Şahidov “Ermənistan hakimiyyəti Araik Kazaryanın ailəsinə təzyiqlərə başlayıb” – Əhməd Şahidov “O insanlara yazığım gəlir” – Əhməd Şahidov Kanal 5 Televiziyasının qonağı olub Əhməd Şahidov Sarıbaş kənd məktəbini ziyarət etdi: “Təhsil ocağı bu vəziyyətdə olmamalıdır” Əhməd Şahidov Qurban Bayramı münasibətilə Qax camaatına təbriklərini çatdırıb “Ən böyük sərvətimiz insanlarımızdır” – Əhməd Şahidov Qax rayonunun 89-cu ildönümü ilə bağlı danışıb Əhməd Şahidov Zərnə kənd məscidinin təmiri ilə bağlı növbəti dəfə müraciət edib “Hər dəfə Şəhidlərimizi ona görə ziyarət edirəm ki…” – Əhməd Şahidov video müraciət edib “Növbəti mərhələdə Dilqəm Əsgərov və Şahbaz Quliyev azad olunacaq” – Əhməd Şahidov ARB24 Televiziyasına danışıb “Girovlarımızla bağlı humanitar dialoq bundan sonra da davam edəcək” – Əhməd Şahidov ATV-ə danışıb “Ermənistan əsir və girovlar məsələsində geri addım atmaqdadır” – Əhməd Şahidov REAL TV-ə danışıb ARB24 Televiziyasının “Gündəm” verilişində girovlar Dilqəm Əsgərov və Şahbaz Quliyev barədə danışılıb