Azərbaycanlı əsir və girovlarla bağlı məlumat mərkəzi fəaliyyətə başlayıb

Ana Sayfa » Müsahibələr » Azərbaycanlı əsir və girovlarla bağlı məlumat mərkəzi fəaliyyətə başlayıb

Ötən gün Azərbaycanlı əsir və girovlarla bağlı məlumat mərkəzinin fəaliyyətinə start verilib. Azərbaycan Demokratiya və İnsan Haqları İnstitutunun xüsusi layihəsi olan bu mərkəzin əsas məqsədi Dağlıq Qarabağ münaqişəsi zamanı və ondan sonrakı dövrlərdə əsir və itkin düşmüş, girov götürülmüş Azərbaycan vətəndaşları ilə bağlı məlumatları dünya ictimaiyyətinə çatdırmaq, əsir və girovların azadlığa buraxılması istiqamətində hüquqi işlərlə yanaşı, geniş təbliğat-təşviqat fəaliyyəti aparmaq, beynəlxalq qurumlarla və insan haqları təşkilatları ilə qarşılıqlı iş birliyi çərçivəsində azərbaycanlı əsir və girovların hüquqlarını qorumaq və dünya ictimaiyyətinin diqqətini azərbaycanlı əsir və girovların azadlığa buraxılması məsələsinə yönəltməkdir.

Mərkəzin internet saytı www.hostages.az ünvanında yerləşir və gündəlik olaraq, Azərbaycan, rus və ingilis dillərində yenilənir.

Azərbaycanlı əsir və girovlarla bağlı məlumat mərkəzinin koordinatoru Əhməd Şahidov ARB24 Televiziyasına müsahibəsində bildirib ki, Ermənistan-Azərbaycan Dağlıq Qarabağ münaqişəsinin gətirdiyi humanitar fəlakətlərdən biri də münaqişə dövründə əsir və itkin düşmüş, girov götürülmüş mülki şəxslərlə bağlıdır: “Bu məsələ hər zaman Azərbaycan üçün böyük əhəmiyyət kəsb edib və Azərbaycan dövləti daima bu məsələni gündəmdə saxlayır. Bugün 3875 nəfər azərbaycanlı Ermənistan tərəfində girov saxlanılır. Onlardan 3168 nəfəri hərbçi, 707 nəfəri isə mülki şəxslərdir. Bu şəxslər 1991-1994-cü illərdə girov götürülmüş şəxslərdir. Həmin şəxslər qeyri-qanuni istismara və işgəncələrə məruz qalır, insan alverinin qurbanına çevrilirlər. Zaman-zaman bizə bu haqda dəqiqləşdirilməmiş məlumatlar daxil olmaqdadır. Rəsmi Yerevan isə bu məlumatları bugün də təkzib edir və müstəqil müşahidəçilərin azərbaycanlı girovlarla görüşməsinə icazə vermir.
Digər tərəfdən, son illər ərzində də Ermənistanın bu tip fəaliyyətinin şahidi oluruq. 2014-cü ilin İyul ayında girov götürülmüş Dilqəm Əsgərov, Şahbaz Quliyev və Həsən Həsənovla bağlı rəsmi Yerevan Cenevrə Konvensiyalarının tələblərini kobud şəkildə pozmaqdadır. 2017-ci ilin Fevral ayında girov götürülmüş digər azərbaycanlı Elnur Hüseynzadə ilə bağlı da eyni qanun pozuntularını gördük. Və beynəlxalq təşkilatlar bu barədə susmaqdadırlar.”

Azərbaycanlı əsir və girovlarla bağlı məlumat mərkəzinin əsas hədəflərindən söz açan Əhməd Şahidov gündəlik rejimdə çalışdıqlarını da deyib: “Mərkəzimizin əsas vəzifələri informasiya təminatını həyata keçirmək və əsir-girovlarımızla bağlı həqiqətləri dünya ictimaiyyətinə çatdırmaqdır. Əsas ağırlığı ingilis və rus dillərində olan məlumatlara verəcəyik. Hədəf auditoriyamız beynəlxalq ictimaiyyət, konkret desək, beynəlxalq qurumlar, insan haqları təşkilatları və Avropa institutlarıdır. Rus və ingilis dillərində məlumatlar yaymağımız erməni cəmiyyəti üçün də hədəflənib. Belə ki, bugün Ermənistanda əsir-girovlarla bağlı məlumat qıtlığı mövcuddur. Ermənistan hakimiyyəti öz xalqına doğru-dürüst məlumat vermir. Azərbaycan tərəfi ən müxtəlif səviyyələrdə əsir və girovların dəyişdirilməsi məsələsini qaldırsa da, rəsmi Yerevan bu təklifdən yayınır və erməni cəmiyyətini bu barədə məlumatlandırmır. Odur ki, çalışacayıq ki, erməni ictimaiyyətinə hədəflənmiş məlumatlarımız da olsun ki, qarşı tərəfdə Azərbaycanın humanist siyasəti barədə daha çox insan xəbər tuta bilsin.”

Xəbərlər

Əhməd Şahidov Qaxın İngiloy-Kötüklü kəndindəki gürcü-pravoslav kilsəsini ziyarət edib Əhməd Şahidov Qaxın İngiloy-Kötüklü kəndindəki gürcü-pravoslav kilsəsini ziyarət edib “Şəhid mayor Aqil Omarovun qisası tezliklə alınacaq” – Əhməd Şahidov “Şəhid mayor Aqil Omarovun qisası tezliklə alınacaq” – Əhməd Şahidov Əhməd Şahidov Türkiyənin “Ulusal Kanal” Televiziyasında Cümhuriyyət Günü barədə danışıb Əhməd Şahidov Türkiyənin “Ulusal Kanal” Televiziyasında Cümhuriyyət Günü barədə danışıb İctimai Televiziyanın “Diqqət Mərkəzi” proqramında “Amnesty International”ın qərəzli mövqeyi müzakirə olunub İctimai Televiziyanın “Diqqət Mərkəzi” proqramında “Amnesty International”ın qərəzli mövqeyi müzakirə olunub “Amnesty International təşkilatı Azərbaycana qarşı növbəti sifarişi yerinə yetirir” – Əhməd Şahidov “Amnesty International təşkilatı Azərbaycana qarşı növbəti sifarişi yerinə yetirir” – Əhməd Şahidov “Ermənistan azərbaycanlı girovların qəhrəman kimi qarşılanacağından narahatdır” – Əhməd Şahidov “Ermənistan azərbaycanlı girovların qəhrəman kimi qarşılanacağından narahatdır” – Əhməd Şahidov Əhməd Şahidov əsir və girovların son durumu ilə bağlı ARB 24 Televiziyasına açqlama verib Əhməd Şahidov əsir və girovların son durumu ilə bağlı ARB 24 Televiziyasına açqlama verib “Yeni Müsavat” qəzetinin canlı yayımında “Avroviziya 2019” debatı – Əhməd Şahidov və Samir Əsədli “Yeni Müsavat” qəzetinin canlı yayımında “Avroviziya 2019” debatı – Əhməd Şahidov və Samir Əsədli “Qeyri-neft sektorunun inkişafında ADAU-nun böyük rolu var” – rektor İbrahim Cəfərov gənclərin dostu elan edilib “Qeyri-neft sektorunun inkişafında ADAU-nun böyük rolu var” – rektor İbrahim Cəfərov gənclərin dostu elan edilib Yeni Azərbaycan Partiyasının “Yaz” təcrübə proqramında sosial media və fərdi inkişafdan danışılıb Yeni Azərbaycan Partiyasının “Yaz” təcrübə proqramında sosial media və fərdi inkişafdan danışılıb Şəkidə gənclərin fərdi inkişaf və karyera planları mövzusunda ictimai müzakirə keçirilib Şəkidə gənclərin fərdi inkişaf və karyera planları mövzusunda ictimai müzakirə keçirilib Əhməd Şahidov ATV kanalına açıqlamasında əsir və girovlarla bağlı son vəziyyəti şərh edib Əhməd Şahidov ATV kanalına açıqlamasında əsir və girovlarla bağlı son vəziyyəti şərh edib “Azərbaycanı beynəlxalq platformalarda təmsil edəcək vətənpərvər gənclərə ehtiyac var” – Əhməd Şahidov “Azərbaycanı beynəlxalq platformalarda təmsil edəcək vətənpərvər gənclərə ehtiyac var” – Əhməd Şahidov Qax rayonunda gürcü və azərbaycanlıların vəhdət rəmzi olan Kürmükoba bayramı qeyd olunub Qax rayonunda gürcü və azərbaycanlıların vəhdət rəmzi olan Kürmükoba bayramı qeyd olunub Əhməd Şahidov Kürmükoba bayramı münasibətilə Qax sakinlərini gürcü və Azərbaycan dillərində təbrik edib Əhməd Şahidov Kürmükoba bayramı münasibətilə Qax sakinlərini gürcü və Azərbaycan dillərində təbrik edib