“Azərbaycanlı girovlar bu ilin sonuna qədər dəyişdirilə bilər” – Əhməd Şahidov REAL Televiziyasına danışıb

Ana Sayfa » Müsahibələr » “Azərbaycanlı girovlar bu ilin sonuna qədər dəyişdirilə bilər” – Əhməd Şahidov REAL Televiziyasına danışıb

Ermənistan kütləvi informasiya vasitələrində verilmiş məlumata əsasən, həmin ölkənin müdafiə naziri vəzifəsinin icraçısı, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri David Tonoyan Azərbaycan tərəfinin əsirlərin dəyişdirilməsinə dair təklifi barədə mətbuatdan oxuduğunu və rəsmi təklif almadıqlarını deyib.

Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası isə bildirib ki, 29 aprel 2016-cı il tarixdə Beynəlxalq Qızıl Xaç Komitəsinə (BQXK) ünvanladığı məktubunda hazırda hər iki tərəfdə saxlanılan şəxslərin dərhal azad edilməsi və gələcəkdə əsir-girov götürülən şəxslərin, eyni zamanda meyitlərin 3 gündən gec olmayaraq qaytarılması ilə bağlı saziş layihəsinin hazırlanmasını təklif edib. BQXK bu təklifin Ermənistan tərəfinə çatdırıldığını və saziş layihəsi üzərində müvafiq iş apardığını bildirib.

Bununla yanaşı, Dövlət Komissiyası Dağlıq Qarabağ münaqişəsi bölgəsində itkin düşmüş şəxslərin axtarışı, əsir-girovların azad edilməsi üzrə Beynəlxalq İşçi qrupu (BİQ) ilə 2017-ci və 2018-ci illərdə Bakıda keçirdiyi görüşlər zamanı tərəflərdə saxlanılan şəxslərin qısa müddətdə “hamının-hamıya” prinsipi ilə azad edilməsi məsələsini müzakirə edib. Bu təklif son iki ildə Ermənistana və Azərbaycanın işğal altında olan Dağlıq Qarabağ bölgəsinə səfər etmiş BİQ həmsədrləri – Bernhard Klazen (Almaniya), Svetlana Qannuşkina (Rusiya) və Paata Zakeriaşvili (Gürcüstan) tərəfindən Ermənistanın müvafiq qurumlarına çatdırılaraq müzakirə edilib.

Son dəfə cari ilin oktyabr ayında Ermənistana və işğal olunmuş Dağlıq Qarabağa səfər edən BİQ həmsədrləri Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi qrupu ilə telefon əlaqəsi saxlayaraq, bu ilin noyabr ayının sonunda Gürcüstanın Tbilisi şəhərində hər iki ölkənin Dövlət Komissiyalarının görüşünün keçirilməsini planlaşdırdıqlarını və müzakirəyə çıxarılacaq mövzuları razılaşdırmaq istədiklərini bildiriblər.

Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası müzakirəyə çıxarılacaq əsas məsələnin hazırda tərəflərdə saxlanılan şəxslərin qısa müddətdə “hamının-hamıya” prinsipi ilə azad edilməsi mövzusu olacağı təqdirdə, Azərbaycan tərəfinin görüşə hazır olduğunu BİQ həmsədrlərinin diqqətinə çatdırıb.

Bundan əvvəl Azərbaycan Əsir və itkin düşmüş, girov götürülmüş vətəndaşlarla əlaqədar Dövlət Komissiyasının fəaliyyətinin 25 illiyinə həsr olunmuş iclasda Dövlət Komissiyasının sədri, Dövlət Təhlükəsizliyi Xidmətinin rəisi general-polkovnik Mədət Quliyev komissiya üzvlərinə tapşırıqlar verib.

Azərbaycanlı girovların azadlığa buraxılması ilə bağlı beynəlxalq təşkilatlarda iş aparan hüquq müdafiəçisi Əhməd Şahidov REAL Televiziyasına açıqlamasında Ermənistanın müdafiə naziri David Tonoyanın açıqlamasını məsuliyyətdən yayınmaq cəhdi kimi dəyərləndirib və Ermənistan tərəfinin girovların dəyişdirilməsi prosesinə gec də olsa, razılıq verdiyini deyib. Hələ bir-neçə il bundan əvvəl Azərbaycan tərəfinin ən müxtəlif səviyyələrdə girovların dəyişdirilməsi məsələsini qaldırdığını deyən Əhməd Şahidov Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının bu məsələ ilə bağlı bir-neçə dəfə çağırış etdiyini, o cümlədən Xarici İşlər Nazirliyi və vətəndaş cəmiyyətinin də bu məsələni dəfələrlə qaldırdığını deyib: “Son aylara qədər Ermənistan tərəfi bu təklifə müsbət cavab vermirdi. Lakin ötən illər ərzində cəbhədə situasiya xeyli dəyişib. 2014-cü ildə Arsen Baqdasaryan, 2017-ci ildə Zaven Karapetyan və bu ilin İyul ayında Karen Kazaryan təmas xəttində təxribata cəhd edərkən Azərbaycan silahlı qüvvələri tərəfindn saxlanılıb. Bundan sonra Ermənistan tərəfi girovlarla bağlı ritorikasını dəyişməyə məcbur olub. David Tonoyanın da son açıqlamasını məhz bucür qiymətləndirmək lazımdır.”

Bu ilin Noyabr ayının sonlarında Gürcüstanın Tbilisi şəhərində Ermənistan və Azərbaycan tərəfinin müvafiq qurumlarının görüşə biləcəyini deyən hüquq müdafiəçisi azərbaycanlı girovların bu ilin sonuna qədər azadlığa buraxılacağına inandığını deyib: “Azərbaycan tərəfi əsir-girovların “hamının-hamıya” prinsipi ilə dəyişdirilməsini ilkin şərt olaraq, irəli sürüb. İnanıram ki, Tbilisi şəhərində baş tutacaq görüşdə əsir-girovların dəyişdirilməsi ilə bağlı razılıq əldə olunacaq və azərbaycanlı girovlar bu ilin sonuna qədər azadlığa buraxılacaqlar”.

Xəbərlər

Qax Dövlət Kukla Teatrında uşaqlar üçün Novruz şənlikləri keçirilir Qax Dövlət Kukla Teatrında uşaqlar üçün Novruz şənlikləri keçirilir Qax rayonunda Novruz şənliyi keçirilib Qax rayonunda Novruz şənliyi keçirilib Əhməd Şahidov Novruz Bayramı münasibətilə Qax rayonu ictimaiyyətini təbrik edib Əhməd Şahidov Novruz Bayramı münasibətilə Qax rayonu ictimaiyyətini təbrik edib Əhməd Şahidov 5 Mart İdman Günü münasibətilə Qaxın idman ictimaiyyətinə müraciət edib Əhməd Şahidov 5 Mart İdman Günü münasibətilə Qaxın idman ictimaiyyətinə müraciət edib Əhməd Şahidov Şimali Kiprin Diyalog Televiziyasına Xocalı soyqırımı barədə danışıb Əhməd Şahidov Şimali Kiprin Diyalog Televiziyasına Xocalı soyqırımı barədə danışıb Türkiyənin Ulusal Kanal Televiziyasında Xocalı soyqırımı və azərbaycanlı girovlar barədə danışılıb Türkiyənin Ulusal Kanal Televiziyasında Xocalı soyqırımı və azərbaycanlı girovlar barədə danışılıb İstanbul Yeni Yüzyıl Universitetində Xocalı soyqırımının ildönümü qeyd edilib İstanbul Yeni Yüzyıl Universitetində Xocalı soyqırımının ildönümü qeyd edilib İstanbulda Mehmet Fatih Sultan Vakıf Universitetində  Xocalı soyqırımının ildönümü qeyd edilib İstanbulda Mehmet Fatih Sultan Vakıf Universitetində Xocalı soyqırımının ildönümü qeyd edilib “Qax rayonunda Xocalı Soyqırımına abidə ucaldılsın” – Əhməd Şahidov mühüm təkliflə çıxış edib “Qax rayonunda Xocalı Soyqırımına abidə ucaldılsın” – Əhməd Şahidov mühüm təkliflə çıxış edib Azərbaycanlı və gürcü gənclər Tbilisidə bir araya gəldi: “Qafqazda sülh istəyirik!” Azərbaycanlı və gürcü gənclər Tbilisidə bir araya gəldi: “Qafqazda sülh istəyirik!” Əhməd Şahidov Tbilisidə keçirilən beynəlxalq forumda Mixail Avaqyana abidə ucaldılmasına etiraz edib Əhməd Şahidov Tbilisidə keçirilən beynəlxalq forumda Mixail Avaqyana abidə ucaldılmasına etiraz edib Əhməd Şahidov Qax rayonunda təhsilin vəziyyəti barədə fikirlərini bölüşüb Əhməd Şahidov Qax rayonunda təhsilin vəziyyəti barədə fikirlərini bölüşüb Əhməd Şahidov 2 Fevral Gənclər Günü münasibətilə Qax gənclərinə səsləndi: “Hədəflərinizdən əsla vaz keçməyin” Əhməd Şahidov 2 Fevral Gənclər Günü münasibətilə Qax gənclərinə səsləndi: “Hədəflərinizdən əsla vaz keçməyin” Azərbaycanlı girovlarla bağlı son vəziyyət nə yerdədir? – “Yeni Müsavat” qəzetində canlı yayım Azərbaycanlı girovlarla bağlı son vəziyyət nə yerdədir? – “Yeni Müsavat” qəzetində canlı yayım “Gürcüstan ikitərəfli münasibətlərə xələl gətirəcək addımlardan çəkinməlidir” – Əhməd Şahidov İranın “Səhər” Televiziyasına danışıb “Gürcüstan ikitərəfli münasibətlərə xələl gətirəcək addımlardan çəkinməlidir” – Əhməd Şahidov İranın “Səhər” Televiziyasına danışıb