ATƏT-də erməni separatçılarının təxribatının qarşısı alındı, gərginlik yaşandı

Ana Sayfa » Aktual » ATƏT-də erməni separatçılarının təxribatının qarşısı alındı, gərginlik yaşandı

Sentyabrın 10-da Polşanın paytaxtı Varşava şəhərində ATƏT-in Demokratik İnstitutlar və İnsan Haqları Ofisinin təşkil etdiyi illik Sammiti öz işinə başlayıb. Tədbirdə ATƏT üzvü olan 57 ölkənin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak ediblər.

Sentyabrın 18-də “Fundamental azadlıqlar: ifadə və sərbəst toplaşmaq azadlığı, milli insan haqları təşkilatları və vətəndaş cəmiyyəti” mövzusunda keçirilən müzakirələrdə gərginlik yaşanıb. Belə ki, özünü “Avropa Artsax Mərkəzi”nin rəhbəri kimi təqdim edən Harutyun Qriqoryan adlı şəxs çıxış üçün söz alaraq, qondarma “Dağlıq Qarabağ Respublikası”nı müstəqil ölkə kimi təqdim etməyə cəhd edib və son vaxtlar Azərbaycanın hərbi güc nümayiş etdirməsininin qarşısını almağa çağırıb. Separatçı rejim nümayəndəsinin təxribat yönümlü bu çıxışı Azərbaycan nümayəndə heyətinin kəskin reaksiyasına səbəb olub. Belə ki, Azərbaycan rəsmi nümayəndə heyətinin üzvü, Prezident Administrasiyasının əməkdaşı Gülsel Səfərova veto hüququndan istifadə edərək, Harutyun Qriqoryanın çıxışını kəsib və “Artsax” adlı bir ölkənin mövcud olmadığını, həmin ərazilərin Azərbaycana məxsus işğal olunmuş Dağlıq Qarabağ torpaqları olduğunu diqqətə çatdırıb. Azərbaycan nümayəndə heyətinin etirazı ATƏT rəhbərliyi tərəfindən qəbul olunub və separatçı rejim nümayəndəsinin çıxışı dayandırılıb.

Daha sonra çıxış edən Ermənistanın ATƏT-dəki daimi nümayəndəliyinin müavini David Knyazyan Cənubi Qafqazda sərbəst hərəkət azadlığı haqqında danışıb və rəsmi Bakının və Ankaranın ünvanına böhtan xarakterli fikirlər səsləndirib. David Knyazyan iddia edib ki, Ermənistan hazırda Türkiyə və Azərbaycan tərəfindən blokadaya alınıb. Ötən gün Bakıda keçirilən Türkiyə-Azərbaycan birgə hərbi təlimlərinə diqqət çəkən erməni səfir bundan narahatlığını açıq şəkildə ifadə edib.

Əsas gərginlik isə bundan sonra yaşanıb. Belə ki, Ermənistan səfirindən sonra çıxış edən Azərbaycan Demokratiya və İnsan Haqları İnstitutunun rəhbəri Əhməd Şahidov “Cənubi Qafqazda fundamental azadlıqlar və milli insan haqları təşkilatları” barədə çıxışa başlayanda Ermənistan səfiri David Knyazyan veto hüququndan istifadə edərək, Əhməd Şahidovun çıxışının qarşının alınmasını istəyib. Səbəb kimi azərbaycanlı hüquq müdafiəçisinin digər həmkarlarından fərqli olaraq, son illər ATƏT-in toplantılarında Dağlıq Qarabağ münaqişəsinə daha çox diqqət ayırdığı və Ermənistanın ünvanına tənqidlər səsləndirdiyini deyən erməni diplomatın vetosu tutarlı qəbul olunmayıb və söz yenidən Əhməd Şahidova verilib.

Hüquq müdafiəçisi Əhməd Şahidov çıxışında ATƏT-in baza prinsiplərindən söz açıb və separatçı rejim nümayəndələrinin bucür beynəlxalq tədbirlərdə iştirakının yolverilməz olduğunu bildirib və bunun ATƏT-in fundamental prinsiplərinə, eləcə də ölkələrin ərazi bütövlüyünə zidd olduğunu diqqətə çatdırıb. Daha sonra Ermənistan səfirinin fikirlərinə cavab verən Əhməd Şahidov Azərbaycanın multikultural ölkə olduğunu, bütün xalqların, o cümlədən də ermənilərin Azərbaycanda rahat şəkildə yaşadıqlarını xüsusi vurğulayıb. Dağlıq Qarabağın və digər işğal olunmuş torpaqların Azərbaycan ərazisi olduğunu bir daha diqqətə çatdıran hüquq müdafiəçisi zalda əyləşən 57 ölkənin nümayəndələrini və diplomatları BMT-nin məlum qətnamələrinə və Azərbaycanın ərazi bütövlüyünə hörmətlə yanaşmağa çağırıb: “Məndən öncə çıxış edən və özünü qondarma separatçı rejimin nümayəndəsi kimi təqdim edən Harutyun Qriqoryanın fikirlərinə münasibət bildirmək istəyirəm ki, Dağlıq Qarabağ və digər işğal olunmuş torpaqlar Azərbaycan Respublikasının əraziləridir. Və buradan ATƏT Katibliyinə də müraciət edirəm ki, bu kimi separatçı rejimləri təmsil edən şəxslərin tədbirlərdə iştirakının qeydiyyata alınması yolverilməzdir. Burada əyləşən hər kəsdən tələb edirəm ki, BMT-nin məlum qətnamələrinə, ATƏT-in təməl prinsiplərinə, o cümlədən Azərbaycan Respublikasının ərazi bütövlüyünə hörmətlə yanaşılsın”. Azərbaycanlı hüquq müdafiəçisinin bu çıxışından sonra separatçı rejimin nümayəndəsi Harutyun Qriqoryan zaldan çıxarılıb.

PS. ATƏT üzvü olan ölkələrin qatıldığı İnsani Dəyərlərin Tətbiqi Müşavirəsi Avropada hər il keçirilən ən böyük insan haqları və demokratiya konfransıdır. Hər il ATƏT-in Demokratik Təsisatlar və İnsan Haqları Ofisi tərəfindən təşkil olunan bu toplantı ATƏT üzvü olan 57 ölkə, Əməkdaşlıq üzrə ATƏT Tərəfdaşları, ATƏT-in müxtəlif strukturları, vətəndaş cəmiyyəti institutları, beynəlxalq təşkilatlar və digər müvafiq şəxslərin bir araya toplaşdığı, ATƏT-in insan haqları üzrə vəzifələrinin qiymətləndirildiyi, habelə mövcud problemlərin müzakirə edildiyi, faydalı təcrübələrin paylaşıldığı və gələcək inkişaf üçün qərarların verildiyi yeganə platformadır.

Xəbərlər

“Girovlarımızla bağlı humanitar dialoq bundan sonra da davam edəcək” – Əhməd Şahidov ATV-ə danışıb “Girovlarımızla bağlı humanitar dialoq bundan sonra da davam edəcək” – Əhməd Şahidov ATV-ə danışıb “Ermənistan əsir və girovlar məsələsində geri addım atmaqdadır” – Əhməd Şahidov REAL TV-ə danışıb “Ermənistan əsir və girovlar məsələsində geri addım atmaqdadır” – Əhməd Şahidov REAL TV-ə danışıb ARB24 Televiziyasının “Gündəm” verilişində girovlar Dilqəm Əsgərov və Şahbaz Quliyev barədə danışılıb ARB24 Televiziyasının “Gündəm” verilişində girovlar Dilqəm Əsgərov və Şahbaz Quliyev barədə danışılıb Əhməd Şahidov Tbilisidə Mirzə Fətəli Axundov adına Azərbaycan Mədəniyyəti Muzeyini ziyarət edib Əhməd Şahidov Tbilisidə Mirzə Fətəli Axundov adına Azərbaycan Mədəniyyəti Muzeyini ziyarət edib Gürcüstanın Strateji və Beynəlxalq Araşdırmalar Fondunda görüş keçirilib Gürcüstanın Strateji və Beynəlxalq Araşdırmalar Fondunda görüş keçirilib Əhməd Şahidov Tbilisidə Dağlıq Qarabağ münaqişəsinin humanitar fəsadlarından danışıb Əhməd Şahidov Tbilisidə Dağlıq Qarabağ münaqişəsinin humanitar fəsadlarından danışıb Elvin İbrahimovun erməni diversant Zaven Karapetyanla dəyişdirilməsi təqdirəlayiqdir – Əhməd Şahidov Elvin İbrahimovun erməni diversant Zaven Karapetyanla dəyişdirilməsi təqdirəlayiqdir – Əhməd Şahidov AŞPA-nın Yay Sessiyasının nəticələri İctimai Televiziyanın “Diqqət Mərkəzi”ndə müzakirə olunub AŞPA-nın Yay Sessiyasının nəticələri İctimai Televiziyanın “Diqqət Mərkəzi”ndə müzakirə olunub Əhməd Şahidov Avropa Şurası Parlament Assambleyasında azərbaycanlı girovlar barədə danışıb Əhməd Şahidov Avropa Şurası Parlament Assambleyasında azərbaycanlı girovlar barədə danışıb “Azərbaycan və Serbiya arasında strateji tərəfdaşlıq məsələləri müzakirə olunub” – Serbiya Parlamentinin vitse-spikeri ilə görüş “Azərbaycan və Serbiya arasında strateji tərəfdaşlıq məsələləri müzakirə olunub” – Serbiya Parlamentinin vitse-spikeri ilə görüş Əhməd Şahidov Serbiyanın ən böyük hüquq müdafiə təşkilatı olan YUCOM rəhbərliyi ilə görüşüb Əhməd Şahidov Serbiyanın ən böyük hüquq müdafiə təşkilatı olan YUCOM rəhbərliyi ilə görüşüb Əhməd Şahidov Qaxın İngiloy-Kötüklü kəndindəki gürcü-pravoslav kilsəsini ziyarət edib Əhməd Şahidov Qaxın İngiloy-Kötüklü kəndindəki gürcü-pravoslav kilsəsini ziyarət edib “Şəhid mayor Aqil Omarovun qisası tezliklə alınacaq” – Əhməd Şahidov “Şəhid mayor Aqil Omarovun qisası tezliklə alınacaq” – Əhməd Şahidov Əhməd Şahidov Türkiyənin “Ulusal Kanal” Televiziyasında Cümhuriyyət Günü barədə danışıb Əhməd Şahidov Türkiyənin “Ulusal Kanal” Televiziyasında Cümhuriyyət Günü barədə danışıb İctimai Televiziyanın “Diqqət Mərkəzi” proqramında “Amnesty International”ın qərəzli mövqeyi müzakirə olunub İctimai Televiziyanın “Diqqət Mərkəzi” proqramında “Amnesty International”ın qərəzli mövqeyi müzakirə olunub